मृतकः राम बहादुर लावती

रबि। पाँचथरको मिक्लाजुङ् ५ थुमथुमेमा मंगलबार साँझ एक पुरुषको भिरबाट लडेर मृत्यु भएको छ ।
मिक्लाजुङ् वडा नं. ५ थुमथुमे बस्ने अन्दाजी बर्ष ५३ का राम बहादुर लावतीको घर नजिकैको भिरबाट लडेर मृत्यु भएको हो । घरमा कोही नभएको अवस्थामा सो घटना घटेको वडाध्यक्ष अविसन लावतीले बताए ।

बुधबार बिहान कुलोमा पानी बनाउन आउने एक प्रत्यक्षदर्शीले मृतकलाई कुलोमा लढिरहेको देखेपछि जनप्रतिनिधिलाई जानकारी गराएका थिए । जनप्रतिनिधिले तत्काल इलाका प्रहरी कार्यालय रबिलाई जानकारी दिएपछि आएका प्रहरीले मुचुल्का उठाई पोष्टमार्टमको लागि इलाका स्वास्थ्य कार्यालय रबि लगिएको छ । बुधबार अबेर मात्र लासलाई रबि पु¥याइएको हुँदा बिहीबारमात्र मृतकको पोष्टमार्टम गरिने वडाध्यक्ष लावतीले बताएका छन् ।

मृतकको बाहिरी केही नदेखिएको हुँदा कुलोमा लढेर उठ्न नसकेपछि पानी खाएर मृत्यू भएको हुन सक्ने प्रहरीले प्रारम्भिक अनुसन्धान गरेको छ । पोष्टमार्टम पश्चात बिहीबार नै मृतकको अन्त्येष्टी गरिने पारिवारिक श्रोतले जनाएको छ ।

मृतकको श्रीमती, ३ छोरा र १ छोरी रहेका छन् ।