श्रीमान भण्डारीले युट्युवर तथा घटनास्थल पुगेका पत्रकारहरुलाई आफु घर आँउदा बिभत्स अवस्थामा शव देखेको र आफु वाहिर गएको समयमा हत्या भएको भन्दै अन्तरवार्ता नै दिएका थिए । प्रहरीले भने प्राम्भिक चरणमा उनितर्फ अनुसन्धान बढाएको थिएन ।
घटनास्थलको प्रकृती तथा पोष्टमाटम रिर्पोट लगायतका आधारमा हत्या गरिएकी महिलाका श्रीमान भण्डारीलाई प्रहरीले अभियुक्तको रुपमा हेर्न सकिने भन्दै अनुसन्धानलाई सुक्ष्म रुपमा अघि बढाएको प्रहरी श्रोतको भनाई छ । उनले हत्या गरेको हुँ भनेर स्वीकार गरेको अवस्था छैन, अनुसन्धानमा संलग्न प्रहरी श्रोतको भनाई छ ।
कमल गाँउपालिकाबाट उनिहरु सोहिदिन गौरादहस्थित उक्त घरमा पुगेका थिए । श्रीमान भीमबहादुरले श्रीमति मनमायालाई उक्त घरमा लगेका थिए ? प्रश्न उब्जेको छ । घटनाको बिषयमा चाँडै अनुसन्धान गरेर बाहिर सार्वजनिक गरिनु पर्ने स्थानीयको माग छ ।
हत्या अभियोगमा श्रीमान भण्डारीको पक्राउबारे जिल्ला प्रहरी कार्यालयले पठाएको विवरण यस्तो छ-
श्रीमती मारेको आरोपमा भिम ब. भण्डारी पक्राउ:
प्रेस नोट:-
मिति २०७७/०६/१२ गते अं. १६:३० बजेको समयमा जिल्ला झापा गौरादह न.पा. वडा नं. ०१ स्थित भिम बहादुर भण्डारीको घरमा निजको श्रीमती बर्ष ६५ की मनमाया भण्डारीको मृत लाश फेला परेको भनि प्रहरीलाई सूचना आए पश्चात प्रारम्भिक अनुसन्धानको क्रममा, घट्नास्थलको अनुसन्धान, घरपरिवार, स्थानिय बासिन्दा, छरछिमेकका ब्यक्तिहरुबाट बुझिएका कुराहरु साथै बि.पि.के.आई. एच. एस. धरान सुनसरीबाट प्राप्त पोष्टमार्टमको रिपोर्टमा उल्लेख भएको मृत्युको समय बिश्लेषणबाट मृतक मनमाया भण्डारीको श्रीमान बर्ष ६४ को भिम बहादुर भण्डारी मृतक मनमाया भण्डारी संगै रहेको समयमा नै घट्ना भएको प्रारम्भिक अनुसन्धानबाट देखिन आएको हुँदा निज भिम बहादुर भण्डारीलाई सम्मानित जिल्ला अदालत झापाबाट मिति २०७७/०६/१६ गते दिन ७ म्याद थप गरी थप अनुसन्धान भईरहेको ।
