झापा। दमकमा तीन महिलासहित पाँच कोरोना संक्रमित थपिएका छन् । सोमबार तीन महिलासहित थप पाँच जनामा कोरोना संक्रमण देखिएको छ । थपिएका संक्रमितहरुमा वडा नं ५ र ८ का छन । दमकमा २८ देखि ५१ बर्ष उमेर समुहका नयाँ संक्रमित आज थपिएका जिल्ला स्वास्थ्य कार्यालय झापाले जनाएको छ ।

दमकमा थपिएका सबै स्थानीय हुन । दमकमा संगै जिल्लाको भद्रपुरमा ४ र अर्जुनधारामा २ जना नयाँ संक्रमित गरि जिल्लामा ११ जनामा कोरोना संक्रमण पुष्टि भएको छ ।

स्वास्थ्य कार्यालय झापाका अनुसार भद्रपुरका एक महिला तीन पुरुष, अर्जुनधाराका एक महिला एक पुरुष मध्ये एक जना बैंकका कर्मचारी र दुई जना अस्पतालका कर्मचारी रहेको स्वास्थ्य कार्यालय झापाका फोकल पर्सन जीवन चम्लागाईले बताए ।

झापामा हालसम्म संक्रमितको संख्या ११२१ पुगेको छ । जसमा ८८९ जना उपचारपछि निको भएर घर फर्किसकेका छन् । २२० जना सक्रिय संक्रमित हुँदा १२ जनाको निधन भइसकेको छ ।