इलाम। इलामको फाकफोकथुम, फूएतप्पा लिम्बुगाउँमा खुल्ला नकाउट फूटबल प्रतियोगिता हुने भएको छ ।

फूङ्वा यूवा क्लब फाकफोकथुमको आयोजनामा हुने उक्त प्रतियोगिता कोरोना भाइरसको उच्च सतर्कतालाई मध्यनजर गर्दै सामाजिक दुरि कायम गरि खेल खेलाउने क्लबका संस्थापक दिपक योङ्हाङ्ले जनाएका छन् ।

आगामी कार्तिक २ गते देखि संचालन हुने उक्त खेल फूएतप्पाको चासोक तङ्नाम खेल मैदानमा हुने आयोजकले जनाएको छ । खेल्न इक्छुक टिमले कार्तिक १ गते सम्ममा सम्पर्क गर्न आयोजक समितिका संयोजक योङ्हाङ्ले बताएका छन् ।

उक्त फूटबल प्रतियोगिताको प्रथम पुरस्कार १० हजार, प्रमाणपत्र र मेडल त्यसैगरी दोस्रो हुनेले ५ हजार, प्रमाणपत्र र मेडल प्रदान गरिने बताइएको छ ।