दमक, १५ असोज/ झापाको दमक १० स्थित सेतुमारी खेल मैदानमा भोलिदेखि जिल्ला स्तरीय सेतुमारी कप २०७८ हुने भएको छ ।
स्थानीय सेतुमारी युवा समाजको अयोजनमा सञ्चालन हुन लागेको सो प्रतियोगिता अन्र्तगत पहिलो दिन कमल फुटबल क्लब इलाम र सेभेन स्टार एफसी मोरङकाबिच खेल हुने आयोजकले जनाएको छ ।
विजयादशमी तथा शुभदिपावलीको अवसर पारेर आयोजना गरिएको प्रतियोगिता यहि असोज २५ गते सम्म सञ्चालन गरिने समाजका अध्यक्ष शिव धिमालले जानकारी दिए ।
प्रतियोगिता सञ्चालनका लागि आवश्यक सम्पुर्ण तयारी पुरा भोइसकेको धिमालले बताए ।
प्रतियोगीताको विजेता टिमले नगद रु २५ हजारका साथै मेडल ट्रफि प्राप्त गर्ने छ भने उपविजेता टिमले नगद १५ संगै मेडल ट्रफि प्राप्तगर्ने अध्यक्ष धिमालले बताए ।
सो प्रतियोगितामा प्रथम पुरस्कारको नगद रु २५ हजारको धनराशी बेलायतमा कार्यरत व्रिटिश आर्मी रोहित राई र दोस्रो पुरस्कार स्वरुप नगद रु १५ स्थानीय रोशन सिंखडा हाल कोरियामा कार्यरतले प्रायोजन गरेको धिमालले जानकारी दिए ।
सो प्रतियोगिता सञ्चालनका लागि अन्य क्षेत्रबाट सहयोग प्राप्त हुने क्रम जारी रहेको आयोजकले जनाएको छ ।
Related