इतिहास रच्दै नेपाल पहिलो पल्ट साफ च्याम्पियनसिपको फाइनलमा

 लिम्बुवान न्युज
                       

लिम्बुवानखबर, २७ असोज । नेपालले माल्दिभ्समा जारी साफ च्याम्पियनसिप २०२१ मा फाइनल स्थान पक्का गरेको छ । बुधबार माल्दिभ्सको राजधानी मालेस्थित राष्ट्रिय रंगशालामा भएको खेलमा बंगलादेशलाई बराबरीमा रोक्दै नेपाल पहिलोपटक फाइनलमा पुगेर इतिहास रचेको हो ।

नेपालले बंगलादेशविरूद्ध दोस्रो हाफमा गोल गर्दै खेल बराबरीमा ल्याएका थिए । नेपालका लागि अन्जन विष्टले ८८ औं मिनेटमा पेनाल्टीमार्फत् गोल गरेका हुन् ।

बंगलादेशका सुमन रेजाले नेपालविरूद्ध खेलको नवौं मिनेटमा गोल गर्दै अग्रता लिएको थियो । नेपाल दवावमा खेलिएरहेको अवस्थामा खेलको ८२औं मिनेटमा वान भर्सेस वानमा रहेका नेपाली खेलाडीलाई बंगलादेशी गोलरक्षक जिकोले फल गरेपछि रातो कार्ड पाएका थिए । १० खेलाडीमा झरेको बंगलादेश दबावमा आए र डिबक्सको सोही फललाई सदुपयोग गर्दै अञ्जनले गोल गरेका थिए ।

नेपालले चौथोखेलमा बराबरी खेल्दै ७ अंक जोडेको छ । दोस्रो स्थानको माल्दिभ्सको ६ अंक र तेस्रो स्थानमा रहेको भारतको ५ अंक छ । आजै राति ९ः४५ बजे भारत र माल्दिभ्सबीच प्रतिस्पर्धा हुँदैछ ।

फाइनलमा पुग्न माल्दिभ्सलाई बराबरी भए पुग्छ भने भारतलाई जित्नै पर्ने दवाव रहेको छ । यो खेलको नतिजापछि नेपालले फाइनलमा भिड्ने टिमको टुंगो लाग्नेछ।

नेपालले यसअघि खेलेका १२ संस्करणसम्म फाइनलमा स्थान बनाउन सकेको थिएन । त्यसैले नेपाली फुटबलका लागि यो ऐतिहासिक सफलता भएको हो ।

फाइनल खेल आउँदो शनिबार नेपाली समयअनुसार राति ८ः४५ मा साफ आयोजक समितिले जनाएको छ ।

सम्बन्धित समाचार

नेकपा एकीकृत समाजवादीले तोक्यो सात वटै प्रदेशमा इन्चार्ज

  काठमाडौं, १० कार्तिक । नेकपा (एकीकृत समाजवादी)ले सातै वटै प्रदेशमा इन्चार्ज मनोनयन गरेको छ । त्यसैगरी सात वटै प्रदेशमा कमिटी पनि गठन गरेको छ । एकीकृत समाजवादीले प्रदेश कमिटीमा सो पार्टीले इन्चार्ज, सहइन्चार्जका साथै...

चीनबाट थप १० लाख डोज भेरोसेल खोप आइपुग्यो

फाइल तस्वीरः लिम्बुवानखबर, १० कार्तिक । चीनबाट कोभ्याक्स सुविधा अन्तर्गतको कोरोना भाइरस विरुद्धको भेरोसेल खोपको थप मात्रा नेपाल आइपुगेको छ । स्वास्थ्य सेवा विभागका अनुसार १० लाख २० हजार मात्र खोप नेपाल आइपुगेको हो ।...

बाग्मती प्रदेशकी मुख्यमन्त्री शाक्यद्वारा पदबाट राजीनामा

लिम्बुवानखबर, १० कार्तिक । वाग्मती प्रदेशकी मुख्यमन्त्री अष्टलक्ष्मी शाक्यले पदबाट राजीनामा दिएकी छन् । बुधबार दिउँसो १ बजेका लागि बोलाइएको प्रदेशसभाको बैठकलाई सम्बोधन गर्दै मुख्यमन्त्री शाक्यले राजीनामाको घोषणा गरेकी हुन् । मुख्यमन्त्री शाक्यले नेपालको संविधानको...

गायिका नुमा नेम्बाङको ‘बसन्तमा’ गीतको म्यूजिक भिडियो छायाँङकन

लिम्बुवानखबर, पान्थर संवाददाता । गायिका नुमा नेम्बाङको ‘बसन्तमा’ बोलको गीतको म्युजिक भिडियोको मंगलबार छायाङकन सम्पन्न भएको छ । पाँचथरको विभिन्न रमणिय स्थलहरुमा उक्त गीतको म्यूजिक भिडियो छायाङकन गरिएको हो । पाँचथरका बहुप्रतिभाका धनी सागर केरुङले...