लिम्बुवानखबर, २७ असोज । भारत साफ च्याम्पियनसिप फुटबलको फाइनलमा प्रवेश गरेको छ । बुधबार माल्दिभ्समा जारी १३औं संस्करणको साफमा समूह चरणको अन्तिम खेलमा माल्दिभ्सलाई ३–१ गोल अन्तरले हराउँदै भारत फाइनलमा प्रवेश गरेको हो ।

भारतले फाइनलमा पुग्न खेल जित्नै पर्ने दवाव थियो भने आयोजक राष्ट्र माल्दिभ्सलाई बराबरी गरे फाइनल पुग्ने पर्याप्त थियो । यद्यपी आयोजक राष्ट्र भारतसँग पराजित हुन पुगेको छ ।

यस अघि बुधबार नै भएको आफ्नो समूह चरणको अन्तिम खेलमा नेपालले बंगलादेशसँग १–१ को बराबरी खेल्दै फाइनल प्रवेश गरिसकेको छ ।

नेपाल र भारत बिचको फाइनल खेल आउँदो शनिबार नेपाली समयअनुसार राति ८ः४५ मा हुने जनाइएको छ । नेपाल साफ च्याम्पियनसिपमा पहिलो पटक फाइनलमा पुगेको हो ।