मेयङलुङ,तेह्रथुम/ प्रभावकारी सूचना र सन्देश मुलक समाचार साथै भाषा, कला, साहित्यलाई सम्प्रेषण गर्न तेह्रथुमको सदरमुकाम मेयङलुङबाट हाम्रो मुन्धुम नामक मासिक पत्रीका विमोचन कार्यक्रम सम्पन्न भएको छ । किरात याक्थुङ चुम्लुङ मेयङलुङको सभाहलमा एक कार्यक्रम बिच पत्रीका विमोचन गरिएको हो ।
विभिन्न बुद्धिजीवी व्यक्तित्वहरुको उपस्थितिमा मेयङलुङ नगरपालिका प्रमुख संजय कुमार तुम्बाहाङफे, जिल्ला प्रशासन कार्यालय तेह्रथुमका सहायक प्रमुख जिल्ला अधिकारी बिक्रम सम्बाहाङफे, मेयङलुङ नगरपालिका वडा नं. ३ का वडा अध्यक्ष मिननाथ दहाल, किरात याक्थुङ चुम्लुङ लिम्बुवान प्रदेश समिति उपाध्यक्ष टंकमाया लिम्बु, जिल्ला अध्यक्ष तथा पत्रिकाका सम्पादक सेसेहाङ हुक्पाचाेङबाङकाे हस्तबहुलीबाट संयुक्त रूपमा विमोचन कार्यक्रम सम्पन्न भएको हो ।
प्रबिधिको युगले गर्दा विभिन्न सामाजिक संजालहरुको व्यापक प्रयोगले आज छापा माध्यमबाट प्रकाशित हुने पत्रीकाहरुको प्रयोगमा कमि आइरहेको अवस्थामा हाम्रो मुन्धुम नामक पत्रीका प्रकाशन भएर विमोचन हुनु आश्चर्य मानेका छन् । विमोचन कार्यक्रममा प्रमुख अतिथि नगर प्रमुख संजय तुम्बाहाङफेले बोल्दै तेह्रथुम जिल्लामा पत्रीकाको आवश्यकता भएको बेला यो पत्रीका प्रकाशन हुनु खुशीको कुरा भएको बताउनुभयो । यस अघि पत्रीकाहरु यस जिल्लाबाट प्रकाशन भए पनि निरन्तरता हुन नसकेकोमा दुख व्यक्त गर्नु भयो । पत्रकारिताले निस्वार्थ जनभावनाको कदर गर्नुपर्ने साथै निष्पक्ष र सत्य तथ्य समाचारको प्रबाह गर्नुपर्नेमा जोड दिनुभयो । सबै कुरामा सूचना र संचार भएकोले गर्दा जनतालाई सुसूचित गर्न यो पत्रीका लागि परोस भन्दै उहाले यस पत्रीकाको लागि रु एक लाख रकम नगरपालिकाबाट विनियोजन गर्ने पनि प्रतिबद्धता व्यक्त गर्नुभएको छ ।
यसरी नै बिशेष अतिथी सहायक प्रमुख जिल्ला अधिकारी बिक्रम सम्बाहाङफेले डिजिटल मिडियाको भन्दा छापा मिडियाको महत्त्व धेरै रहेको बताउनु भयो । उहाँले सजिलो र सरल मिडिया डिजिटल भए पनि अध्ययनको स्रोतका लागि छापा मिडियाको आवश्यकता त्यतिकै महत्त्वपूर्ण रहेको कुरा औल्याउँदै यो पत्रीकाले त्यस कार्यको पुर्ती गर्ने कुरामा विश्वास रहेको बताउनु भयो । उनले कार्यक्रममा थप बोल्दै यो पत्रीकाले तेह्रथुम भित्रका मौलिक पहिचानहरुको जगेर्ना, स्थान परिचय, पर्यटन लगायतको सूचनाहरु दिन सक्नुपर्नेमा जोड गर्नुभयो ।
कार्यक्रम नगरपालिका वडा नं. ३ का वडा अध्यक्ष मिननाथ दहालले आफ्नै वडा भित्र कार्यालय रहने गरि पत्रीका प्रकाशन भएकोमा खुशी व्यक्त गर्दै वडाले सक्दो पत्रीका प्रकाशनको लागि सहयोग गर्ने प्रतिबद्धता समेत व्यक्त गर्नुभयो । उहाले बोल्दै सम्पुर्ण जनताको साझा पत्रीका बन्न सकोस भन्ने शुभकामना व्यक्त गर्नुभयो ।
त्यसैगरी कार्यक्रममा किरात याक्थुङ चुम्लुङ लिम्बुवान प्रदेश उपाध्यक्ष टंकमाया लिम्बू, बयोबृद्द तथा समाजसेवी सर्वजीत निङलेकु, राजनीति कर्मी कृष्ण चोङबाङ लगायतले शुभकामना मन्तव्य राख्नुभएको थियो । विमोचन कार्यक्रमको समापन हाम्रो मुन्धुम मासिक पत्रीकाका सम्पादक सेसेहाङ हुक्पा चोङबाङको अध्यक्षतामा सम्पन्न भएको थियो भने स्वागत मन्तव्य पत्रीकाका व्यवस्थापक साम थाम्देन थाङबेन र संचालन कार्यकारी सम्पादक तथा प्रकाशक राजकुमार तेयुङ् तरेबाले गर्नुभएको थियो ।
यो पत्रीका हरेक महिनाको १ गते प्रकाशन हुने प्रकाशकले जनाएकाे छ ।
ललितपुर, २१ पुष । ताप्लेजुङस्थित पवित्र धार्मिक तथा पर्यटकीय स्थल मुक्कुमलुङ संरक्षणका लागि पुनः आन्दोलन घोषणा गरिएको छ । विगत ६ बर्षदेखि आन्दोलनरत संघ संगठनहरुले पुनः संरक्षणको लागि आन्दोलन घोषणा गरेका हुन् । लामो समयदेखि...
झापाको दमकमा सम्पन्न मैत्रीपूर्ण फुटसल प्रतियोगिता २०८२ को उपाधि रोटरी क्लब अफ दमकले जितेको छ । पत्रकार मञ्च दमकको आयोजनामा पुष २१ गते आयोजित एक दिने प्रतियोगिताको फाइनल खेलमा कदम थिएटर दमकलाई ७–१ गोल अन्तरले हराउदै रोटरी च्याम्पियन बनेको हो । विजेता टिमले सेमिफाइनल खेलमा दमक नगर कर्मचारीलाई हराएको थियो भने कदमले आयोजक पत्रकार मञ्च दमक (निलो) लाई हराउदै फाइनल प्रवेश गरेको थियो । यसैगरी व्यक्तिगत विधातर्फ उत्कृष्ट गोलकिपर रोटरीका विसु राई चुनिदा, उत्कृष्ट खेलाडीको उपाधि कदमका दिपेश मगरले हात पारे । त्यस्तै प्रतियोगिता भरी ५ गोल गरेका रोटरीका सावन अधिकारीले हाइ स्कोररको पुरस्कार प्राप्त गरे । प्रतियोगिताको विजेताले नगद १५ हजार रुपैयाँ सहित ट्रफि मेडल र प्रमाणपत्र प्राप्त गरे भने उपविजेताले नगद १० हजार रुपैयाँ सहित ट्रफि मेडल र प्रमाणपत्रमा चित्त बुझाए । विजेता खेलाडीहरुलाई मञ्चका अध्यक्ष कमन देवान, औपचारिक कार्यक्रमका प्रमुख अतिथि दमक ९ का वडा अध्यक्ष कुबेर भट्टराई, अतिथिहरु इलाका प्रहरी कार्यलय दमकका प्रहरी निरीक्षक नवीन राई, विधा लक्ष्मी स्कुल दमक ४ का प्रधानाध्यापक भूपाल काफ्ले, दमकका युवा व्यवसायी रवि बस्नेत लगायतले पुरस्कार वितरण गरेका थिए । पत्रकार मञ्च दमकको आयोजनामा भएको प्रतियोगितामा दमक नगरपालिका, उधोग वाणिज्य संघ दमक, रोटरी क्लब अफ दमक, कदम थिएटर दमक, लायन्स क्लब अफ दमक, दमक जेसिस सहित राजनैतिक दलकाे सहभागिता रहेकाे थियाे । तस्वीरः सजन राई
जेनजी आन्दोलनको घटना छानबिनका लागि गठन भएको जाँचबुझ आयोगले तत्कालीन प्रधानमन्त्री केपी शर्मा ओलीलाई बयानका लागि पत्र पठाएको छ। आयोगले तत्कालीन गृहमन्त्री रमेश लेखकसँग बयान लिइसकेपछि पूर्वन्यायाधीश गौरीबहादुर कार्की नेतृत्वको आयोगले ओलीलाई पत्र पठाएको हो। आयोगले यसअघि...
ललितपुर, १२ पौष । उज्यालो नेपाल पार्टीको ताप्लेजुङ जिल्ला तदर्थ समिति गठन गरिएको छ । शनिबार पार्टीको केन्द्रीय सदस्य प्रा.डा.महेन्द्र लावतीको प्रमुख आतिथ्यतामा फुङलिङमा आयोजित एक कार्यक्रमले प्रदिप मादेन ‘नानी’को अध्यक्षतामा २९ सदस्यीय तदर्थ समिति...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७