नगरपालिकाको स्वास्थ्य शाखाका कुवेर भट्टराईका अनुसार आज साँझ ६ वजे दमक नगरपालिका वडा नं ७ की शाक्य थरकी ५५ वर्षिया महिलाको मृत्युभएसंगै दमकमा एकैदिन मृत्यु हुनेको संख्या तीन पुगेको छ ।
चार दिन अघि संक्रमण पुष्टि भएपछि होम आइसोलेसनमा बसेकी उनलाई उपचारका लागि दमकको एड्भान्स हस्पिटल ल्याउँदा ल्याउदै साँझ ६ बजे बाटैमा मृत्यु भएको हो । संक्रमणवाट दमकमा एकैदिन यतिका संख्यामा मृत्यु भएको याे पहिलो हो ।
यसअघि आज विहान मात्र दुई जना संक्रमित पुरुषको मृत्यु भएको थियो । योसँगै दमकमा कोरोना संक्रमणबाट मृत्यु हुनेको सँख्या १८ र जिल्लामा ४७ पुगेको छ । झापाकाे स्थानीय तहमा काेराेनाबाट सबैभन्दा धेरै मृत्यु हुनेमा दमक पहिलाे स्थानमा रहेकाे छ ।
