दमकमा निषेधाज्ञासहित बन्द गरिनु पर्ने उद्योगी व्यवसायीहरुको निश्कर्ष

 लिम्बुवान न्युज
                       

दमक। दमकका उद्योगी व्यवसायीहरुले दमकमा पछिल्लो समय कोरोना संक्रमणको दर उच्च गतिमा बढेको भन्दै तत्कालका लागि निषेधाज्ञासहितको पूर्णरुपमा बन्द गर्नुपर्ने माग गरेको छ ।

दमक उद्योग वाणिज्य संघले साेमबार गरेको छलफलपछि नगरपालिकालाई सुझाव दिने निर्णय गरेको हो । संघका अध्यक्ष गोकुल श्रेष्ठले दमकमा संक्रमण भयावह अवस्थामा रहेका कारण दिनानुदिन संक्रमितहरुको मृत्यु भइरहेकाले संघको कार्यालयमा संघको कार्यसमिति,सल्लाहकार समिति, बस्तुगत संघका प्रतिनिधी तथा भूतपूर्व अध्यक्षहरु समेतको उपस्थितिमा गरिएको छलफलपछि त्यस्तो निर्णय गरिएको बताए ।

संघले दमक क्षेत्र उच्च जोखिममा रहेका कारण हाल उत्पन्न जोखिम न्यूनिकरण गर्नका निमित्त केही समयका लागि यस दमक क्षेत्र भित्र पसल व्यवसाय लाई मात्र बन्द गर्ने गराउने खालको लकडाउन नभई पुर्ण रुपमा वन्दा वन्दि हुने गरि निषेधाज्ञा जारी गर्नेू पर्ने निष्कर्ष निकालेको हो । संघले संक्रमितको संख्या अत्याधिक मात्रमा बढी रहेका कारण औषधी उपचारको अभावबाट संक्रमितको मृत्यु भइरहेको समेत निष्कर्ष निकाल्दै आवश्यक मात्रामा अक्सिजन,आइसियु तथा भेन्टीलेटर र आवश्यक स्वस्थ्य उपचारको प्रवन्ध मिलाउन पनि माग गरेको छ ।

संघले निजी क्षेत्रसंग समेतको सहकार्यमा त्यस्तो प्रवन्ध मिलाउन सकिने प्रस्ताव समेत गरेको छ । संघले कोभिड १९ को संक्रमणको जोखिमबाट सतर्कता अपनाउनका लागि गरिने जस्तो सुकै कार्यका लागि पनि संघको तर्फबाट साथ सहयोग र समन्वय गर्न सकिने पनि उल्लेख गरेको छ ।

यसैबीच दमक नगरपालिकाले अहिले राजनीतिक दलका प्रतिनिधि र सरोकारवाला पक्षहरुसंग दमकमा बन्दा बन्दी गर्ने बिषयमा राय सुझाव संकलन गर्न अन्तरक्रियात्मक छलफल जारी राखेको छ ।

सम्बन्धित समाचार

बाँकी जिन्दगी पहिचान प्राप्तिको लागि समर्पित गर्नेछुः सरक्षक रेशम चौधरी

काठमाडौं । नागरिक उन्मुक्ति पार्टीका संरक्षक रेशम चौधरीले मेरो गर्जाईबाट माइक्रोफोन बन्द हुन्छ भने तपाईं हामी सबै पहिचानबादीहरुको हुंकारबाट सिंहदरबार र नस्लबादीहरुलाई हल्लाउन बेर नलाग्ने बताएका छन् । परासीमा भएको स्वागत कार्यक्रममा बोल्दै पार्टीका संरक्षक...

अब कोही नेपाली नागरिक भूमिहीन भएर बस्नु पर्दैन – मन्त्री श्रेष्ठ

दमक, २४ जेष्ठ । भूमि व्यवस्था, सहकारी तथा गरिबी निवारण मन्त्री रन्जिता श्रेष्ठले अब कोही पनि नेपाली नागरिक भूमि अधिकारबाट वञ्चित हुनु नपर्ने बताएकी छिन् । आज (बुधबार) इलाम र झापाका ५४ परिवार भूमिहीन सुकुम्वासीहरुलाई...

लिम्बु संस्कृतिमा बनेको चलचित्र ‘लुङा’को फर्स्ट लुक सार्वजनिक

दमक। लिम्बू संस्कृतिमा बनेको चलचित्र ‘लुङा’को फर्स्ट लुक पोस्टर सार्वजनिक गरिएको छ । उक्त चलचित्र साउन ५ गतेबाट देशभर प्रदर्शनमा आउने भएको छ । सार्वजनिक फर्स्टलुकमा चलचित्रका मुख्य पात्रलाई स्थान दिइएको छ । बुद्धि तामाङ,...

पहिचान माग्दा थारुलाई जातीय आरोप लगाई जेल हालियोः रेशम चौधरी

काठमाडौं, २१ जेष्ठ । नागरिक उन्मुक्ति पार्टीका संरक्षक रेशम चौधरीले थारुहरुले आफ्नो परिचान माग्दा जातियवादको आरोप लाग्ने गरेको बताएका छन् । आइतवार तुलसीपुरमा नागरिक अभिनन्दन कार्यक्रमलाई सम्वोधन गर्दै उनले आफुहरु जातीयवादी नभएको प्रष्ट पार्दै केही...