दमकमा लगातार कोरोना संक्रमितको मृत्यु , आज फेरि १ थपिए

 लिम्बुवान न्युज
                       

दमक। कोरोना संक्रमणबाट दमकमा दिनानुदिन मृत्युहुनेको संख्या थप हुँदै गएको छ । आज ५ः३० बजे दमक ५ का खड्का थरका एक ८६ वर्षीय वृद्धाको मृत्यु भएको छ ।

होम आइसोलेनमा बसेर उपचार गराइरहेका वृद्धालाई कार्तिक १९ गते कोरोना संक्रमण पुष्टि भएको थियो । बुधबार मात्र दमक ६ का ४५ वर्षीया कार्की थरकी महिलाको मृत्यु भएको थियो । उनको विराटनगरको विराट मेडिकल शिक्षण अस्पतालमा उपचारका क्रममा मृत्यु भएको नगरपालिकाका स्वास्थ्य शाखाका कुवेर भट्टराईले बताए ।

उनका अनुसार ती महिलालाई हिजो मंगलवार सोही अस्पतालमा कोरोना संक्रमण पुष्टि भएको थियो । योसँगै दमकमा कोरोना संक्रमणबाट मृत्यु हुनेको सँख्या २६ पुगेको छ त्यसैगरी जिल्लामा मृत्यु हुनेको संख्या ७२ पुगेको जनाइएको छ ।

यसैवीच पछिल्ला समय झापामा संक्रमण तीव्र फैलिदै गएको छ । दमकमा आज थप ३७ जना संक्रमित थपिएका छन् । जिल्ला भित्र ८५ संक्रमित थपिएका मध्ये दमकमा संक्रमण धेरै देखिएको हो । हाल सम्म दमकमा ६९१ जनामा संक्रमण देखिएको छ भने ३६६ जना उपचार पछि घर फर्किएका छन् ।

यता दमक २ वेलडाँगीमा आइतवारदेखि सञ्चालनमा आएको कोभिड उपचार केन्द्रमा ४ जना संक्रमित उपचाररत रहनुभएको स्वास्थ्य शाखाले जनाएको छ ।

 

सम्बन्धित समाचार

जारी-२ काे छायाँकन पान्थरमा शुरू

झापा, दमक, ३० वैशाख ।  बहुप्रतीक्षित फिल्म ‘जारी : सङ् अफ च्याब्रुङ’को छायांकन पान्थरबाट सुरु भएको छ । बुद्ध जयन्ती चण्डीपूर्णिमा (उभाेली)को अवसर पारेर मंगलबारदेखि छायांकन सुरु भएको हाे । चलचित्रकाे छायांकन शुरू भएकाे चलचित्रका...

किरातीहरुले उभौली पर्व हर्षाेल्लासका साथ मनाए

ललितपुर, २९ वैशाख । किरात राई समुदायले आज सांस्कृतिक पर्व उभौली मनाएका छन् । अन्न उब्जनी हुने प्रकृति भूमिको पूजाआजा गरी किरात समुदायले उभौली पर्व मनाएका हुन् । पूर्व प्रदेश १ को सबै जिल्लामा बसोबास...

२५६९औं बुद्ध जयन्ती विविध कार्यक्रम गरि मनाइदै

काठमाडाैं, २९ वैशाख । आज सोमबार २५६९औं बुद्ध जयन्ती मनाइँदै छ। शान्तिका अग्रदूतका रूपमा विश्वमा परिचित सिद्धार्थ गौतमको जन्मजयन्तीको अवसरमा बुद्धको पूजा, आराधना एवं प्रवचन गरी मनाइँदै छ। प्रत्येक वर्ष वैशाख शुक्ल पूर्णिमाका दिन बुद्ध...

इन्द्र लुम्फुङ्वाको संयोजकत्वमा संयुक्त पहिचानवादी मोर्चा मलेसिया प्रवास समिती गठन

मे ११,२०२५, क्वालालम्पुर, मलेशिया । मलेशियामा संयुक्त पहिचानवादी मोर्चा प्रवास समिति गठन भएको छ । मोर्चाका संयोजक प्रा.डा. महेन्द्र लावतीको प्रमुख उपस्थितिमा क्वालालम्पुरस्थित इन्द्र लुम्फुङवाज्युको संयोजकत्वमा ३७ सदस्यीय मोर्चा प्रवास समिती मलेसिया गठन गरिएको हो...