आम्दा अस्पताल दमकमा गर्भवती महिलाको मृत्यु, गलत औषधी दिईएको परिवारको आरोप

 लिम्बुवान न्युज
                       

दमक । दमकको आम्दा अस्पतालका स्वास्थ्यकर्मीले गलत औषधि दिएपछि गर्भवती महिलाको मृत्यु भएको परिवारले आरोप लगाएको छ ।
शुक्रबार साँझ सामान्य टाउको दुख्यो भनेपछि अस्पताल ल्याइएकी मोरङ शनिश्चरे १ की ३४ वर्षिया मनिता नेपालीको केहीबेरमै मृत्यु भएको थियो । टाउको दुख्यो भनेपछि उनका श्रीमान् प्रकाश शंकरले पैदलनै ल्याएर अस्पतालको आकस्मिक कक्षमा साँझ ७ः३० बजे भर्ना गरेका थिए ।

आकस्मिक कक्षका चिकित्सकले औषधि लेखिदिएर विरामीका श्रीमान् प्रकाशले लिन जान खोज्दा नर्सले रोेकेर अस्पतालमै भएको औषधि चलाएको १० मिनेटमै विरामीको मृत्यु भएको थियो ।

घटनापछि गलत औषधि दिँदा विरामीको मृत्यु भएको भन्दै परिवारले कार्वाही र क्षतिपूर्तिको माग गरेका छन् । त्यस विषयमा अस्पताल प्रशासन र मृतक परिवारबीच छलफल भएकाे थियो । यो समचार तयार पार्दासम्म अस्पताल प्रशासन र मृतक परिवार बिच वार्ताको माध्यमबाट समस्या समाधान भएको मृतकका छिमेकी राज आङ्थुपोले जानकारी दिएका छन् । उनले मृतकका छोरोलाई अस्पतालले निशुल्क पढाउने साथै मृतकको अन्त्येष्टी गर्न रकम उपलब्ध गराउने लिखित सहमती भएको जनाए ।

मृतक महिला ८ महिनाको गर्भवती थिइन् । उनलाई आम्दा अस्पतालमै केही महिनादेखि नियमित चेकजाँच गराउँदै आइरहेकाे मृतकका श्रीमान् प्रकाशले बताएका छन् ।

सम्बन्धित समाचार

उभौली र यक्वा तङ्नाममा प्रदेशमन्त्री र सदस्यहरु आए अवरोध हुने

ललितपुर, ११ जेठ । प्रदेश १ मा बसेबास गर्ने किरात राई, लिम्बू (याक्थुङ्), सुनुवार, याक्खा लगायत किराती समुदायको विहीबार वैशाख शूल्क पूर्णिमादेखि साकेला उभौली चार्ड सुरु भएको छ । यो बर्ष पनि किरातीहरुले यो पर्वलाई...

माङसेबुङ ६ मा पाँच दिने आधारभूत उद्घोषण तालिम सुरु

दमक, झापा । इलामको माङसेबुङ गाउँपालिकामा पाँच दिने आधारभूत उद्घोषण तालिम सुरु भएको छ । वडास्तरीय महिला समन्वय समितिको आयोजनामा मंगलबार देखि माङसेबुङ ६, चिसोपानी स्थित बाँझो स्वास्थ्य कार्यालयको सभाहलमा उक्त तालिम सुुरु भएको हो ।...

किरातीहरुले मनाउँदै उभौली

ललितपुर, १० जेठ । किरात जातीहरुले हरेक वर्ष वैशाख शुक्ल पूर्णिमाका दिन भूमेस्थानहरुमा पूजा आराधना गरी उभौली मनाउँदैछन् । बालीनाली लगाउनुअघि विभिन्न गाउँठाउँमा रहेका भूमेस्थान लगायत प्राकृतिक स्थलहरुमा राम्रोसँग फलोसफुलोस् भनी प्रकृतिको पूजा आराधना गरिने...

आज २५६८औं बुद्ध जयन्तीः विश्वभरी विविध कार्यक्रम गरी मनाईदै

ललितपुर, १० जेष्ठ । शान्तिका अग्रदूत एसियाका ताराका रुपमा विश्वमा परिचित सिद्धार्थ गौतम अर्थात् गौतम बुद्धको आज २५६८ औं जयन्ती विश्वभरि विविध कार्यक्रम गरि मनाइँदैछ । प्रत्येक वर्ष वैशाख शुक्ल पूर्णिमाका दिन बुद्धजयन्ती मनाउने परम्परा...