मुटु रोगी जीनाले उपचारका लागि गरिन सहयोगकाे अपिल

 लिम्बुवान न्युज
                       

दमक । भनिन्छ, मान्छेलाई ऋण लागोस्, दीन नलागोस् । तर इश्वर पनि यति निर्दयी हुने रैछ गरिव दुःखीलाई दुःख माथी झन दुःख दिन्छ ।

सामान्य आर्थिक अवस्था भएको र दैैनिक ज्यालादारी गरेर गर्जो टार्दै आएका दमक ७, संरक्षण टोलमा बस्दै आएका सञ्जय मुदेन्सङ साबाको परिवारमा विगत ४ वर्ष अगाडि बज्रपात पर्यो । उनकी साइली छोरी जीना मुदेन्सङलाई मुटु रोगले ग्रसित भए । त्यस यता मुदेन्सङ परिवारमा विपतीको दिन सुरु भयो ।

कक्षा ६ मा पढ्दा पढ्दै मुटु रोगले ग्रस्त भएपछि जीनाको अध्ययनमा असर परेको छ । अझै बाच्ने र पढेर केही गर्ने सोच बोकेका जीना बाच्न चाहान्छिन् । तर, अहिले उनको अवस्था मुटु दुखाईको पिडाहरुले जिउदो लास जस्तो भएको छ ।

विगत ४ वर्ष अगाडि दमक फार्मेसीमा गंगालाल हृदय रोग केन्द्रबाट आएका डा. चन्द्रमणी अधिकारीले जीनालाई मुटुको भल्वमा प्वाल परेको जानकारी गराएका थिए । तर आर्थिक अभावको कारणले मुदेन्सङ दम्पत्ति छोरीको उपचार गर्न अस्पताल लान सकेनन् । डा. अधिकारीले सिफारिस गरेको औषधिको सेवनले दुखाई कम भएको र स्वास्थ्यमा केही सुधार भएको थियो ।

केही महिना यता विश्व भरीनै महामारकिो रुपमा फैलिएको कोरोना भाइरसको संक्रमणका कारण नेपालमा लकडाउन भयो । जसले गर्दा रोजिरोटी गुम्यो र दैनिक जीवनमा ठुलै असर पार्यो । त्यसैले गर्दा जीनाले सेवन गर्दै आएको औषधि किन्न नसकेर औषधि छुट्न पुग्याे । त्यसपछि जीनालाई बिरामले च्यापदै लग्यो, अहिले अवस्था निकै विकराल भएको छ ।

हाल विराटनगर स्थित नेवेल अस्पतालमा उपचार गराई रहेका जीनाको जीवन बचाउनको लागि परोपकारी मन भएका देवत्व मानिसहरुलाई सहयोगका लागि अपिल गरेकि छिन् ।

ताप्लेजुङको सान्थाक्रा स्थायी घर भई हाल दमक ७, संरक्षण टोलमा बस्दै आएका जीनाको उपचारका निम्ती सहयोग गर्न चाहानुहुने महानुभावहरुले एनआइसी एसिया बैंकमा रहेको विनय कुमार फागुको एकाउन्ट नम्बर ३४८७८२०५८०५२४००१ मा उपचार सहयाेग जम्मा गर्न वा बिरामीका बाबा सञ्जय मुदेन्सङ साँबा सम्पर्क ९८०४९५१५७५, दिदीः झरना साँबा ९८०७९१२५६५ त्यसैगरी बिक्रम फागो वनेम ९८२४९७२९६६ र ९८६६८९०२९९, निवाहाङ थेबे ९८०३०५७१९९, आन्छुमे नसान ९८४४६०२९३८ र ज्ञानु केदेम ९८४४६०४४५६ हरूसँग सम्पर्क गर्न समेत अनुराेध गरेका छन् ।

सम्बन्धित समाचार

प्रधानमन्त्री केपी ओली सहित नवनियुक्त मन्त्रीहरुले गरे पदभार ग्रहण

दमक, ३१ असार । नवनियुक्त मन्त्रीहरूले पदभार ग्रहण गरेका छन् । शितल निवासमा राष्ट्रपति समक्ष पद तथा गोपनीयताको शपथ लिएसँगै उनीहरूले आ–आफूले पाएका मन्त्रालयको जिम्मेवारी सम्हालेका हुन् । प्रधानमन्त्री केपी शर्मा ओलीले २२ सदस्यीय मन्त्रिपरिषद्...

प्रधानमन्त्री पुष्पकमल दाहाल प्रचण्ड पदमुक्त

ललितपुर, २८ असार । प्रधानमन्त्री पुष्पकमल दाहाल प्रचण्ड पदमुक्त भएका छन् । आज (शुक्रबार) प्रतिनिधिसभाले विश्वासको मत लिने प्रस्ताव बहुमतले अस्वीकृत गरेसँगै प्रधानमन्त्री प्रचण्ड पदमुक्त भएका हुन् । नेकपा एमालेले प्रचण्डलाई दिएको समर्थन फिर्ता लिएपछि...

ब्रविमले ल्याए सिसेक्पा तङनाम (भिडियाे सहित)

दमक, २८ असार । मुन्धुमी गायक ब्रविम सेर्माले आफ्नाे आवाजमा मुन्धुम साम्लो ‘सिसेक्पा तङनाम’ सार्वजनिक गरेका छन् । गितकार नेम खापुङको शव्द तथा लय संकलनमा मुन्धुम साम्लो ‘सिसेक्पा तङनाम’ को भिडियो आफ्नै युट्युव च्यानलबाट सार्वजनिक...

यूकेमा राष्ट्रिय पहिचान परिषद गठन

ललितपुर, २७ असार । बेलाय यूकेमा बसोबास गर्दै लामो समय लिम्बुवान र पहिचानको लागि सहकार्य गर्दै आएका यूकेबासीहरुले राष्ट्रिय पहिचान परिषद प्रवास समिति यूके गठन गरेका छन् । संघीय लोकतान्त्रिक राष्ट्रिय मञ्च र मञ्चको प्रवास...