• एजेन्सी

फुटबल इतिहासका विश्व चर्चित एक महान् खेलाडी डिएगो म्याराडोनाको ६० वर्षको उमेरमा निधन भएको छ ।

गत नोभेम्बरमा मात्र अर्जेन्टिनाका पूर्वमिडफिल्डर तथा प्रबन्धको मस्तिष्कको सफल शल्यक्रिया गरिएको थियो । त्यसपछि उनलाई अल्कोहल डिपेन्डेन्सी सम्बन्धी समस्या देखिएपछि उपचारको तयारी गरिको थियो ।

सन् १९८६ को विश्व विजेता अर्जेन्टिना टोलीका कप्तान रहेका म्याराडोनाले सो प्रतियोगितामा उत्कृष्ट प्रदर्शन गरेका थिए । सोही प्रदर्शनले उनलाई विश्वभर चिनाएको थियो । अर्जेन्टिनाको चारवटा विश्वकपमा प्रतिनिधित्व गरेका म्याराडोनाले देशका लागि ९१ खेलमा ३४ गोल गरेका थिए ।

क्लबस्तरमा उनले बार्सिलोना र नापोलीबाट फुटबल खेलेका थिए । इटालियन टोलीबाट उनले दुईवटा सिरिए ए उपाधि समेत जितेका थिए ।