दमक। कोरोना भाइरस संक्रमणबाट आज थप २३ जनाको मृत्यु भएको छ भने १६१४ जना संक्रमित थपिएकाे छ ।

स्वास्थ्य तथा जनसंख्या मन्त्रालयले जनाए अनुसार थप १४३७ जना भने संक्रमण मुक्त भएका छन् ।

याे सँगै देशभर कोरोना संक्रमितकाे संख्या २ लाख २७ हजार ६४० पुगेको छ भने निको हुनेको संख्या २ लाख ९ हजार ४३५ जना रहेको छ ।

अब देशभर कोरोनाका सक्रिय संक्रमितको संख्या १६ हजार ७९३ जना रहेको मन्त्रालयको भनाइ छ । यसैगरी  हालसम्म कोरोनाबाट मृत्यु हुनेको संख्या १ हजार ४१२ पुगेको पनि मन्त्रालयले नियमित पत्रकार कन्फ्रेन्समा बताएको छ ।

यस्तै अहिलेसम्म नेपालमा १७ लाख जनाको पीसीआर परीक्षण भइसकेको स्वास्थ्य तथा जनसंख्या मन्त्रालयले जनाएकाे छ ।