माङसेबुङ।  इलामको माङसेबुङ गाउँपालिकाले किरात धर्मगुरु आत्मानन्द लिङदेनकाे ६७औं जन्मोत्सवमा सार्वजनिक विदा दिएको छ ।

गाउँपालिकाले मंसिर १८ गते किरात धर्मगुरु आत्मानन्द लिङदेनकाे जन्मोत्सवका दिन स्थानीयतहका सबै वाडहरू, स्कुल, स्वास्थ्य कार्यालय, वित्तिय, संघसंस्था सबै बन्द रहने जनाइएकाे छ ।

गाउँपालिकाले किरात धर्मावलम्बीहरूकाे गुरूकाे जन्माेत्सवमा विदा दिएकाेमा किरात चोत्लुङ अङसीमाङगेन्ना सेवा समिति र किरात धर्म तथा साहित्य उथान संघले धन्यवाद प्रकट खुशी व्यक्त गरेका छन् ।

किरात धर्मगुरु लिङदेनबाट राष्ट्रिय विभूति महागुरू फाल्गुनन्दका पूनः अवतारको रुपमा किरात धर्मलाइ विश्व सामु पुर्याउन महत्वपूर्ण योगदानको सम्मानस्वरुप हरेक बर्ष सार्वजनिक विदा दिइने गाउँपालिकाका अध्यक्ष डिकेन्द्र इधिङ्गोले बताउनुभयो ।

यस बर्ष धर्मगुरु लिङदेनको जन्मोत्सव १८ मंसिरमा कोरोना भाइरसका कारण आ आफ्नो क्षेत्रमा जन्मोत्सव मनाउन माङगेन्ना समितिले अनुराेध गरेका छन् भने माङसेबुङमा स्वास्थ्य मापदण्ड पुरा गरि मनाइने आयोजकले जनाएको छ ।