
दमक, १७ कार्तिक/युमा साम्यो महासभा नेपालले दमकमा नगर समिति गठन गरेको छ । बुधबार दमकस्थित युमा साम्यो महासभा नेपालका केन्द्रीय अध्यक्ष देवेन्द्र वनेम फागोको प्रमुख आतिथ्यतामा समिति गठन भएको हो । भेलाले गजेन्द्र वनेम फागोको अध्यक्षतामा १४ सदस्यीय दमक नगर समिति चयन गरेको छ ।
त्यसरी नै समितिको उपाध्यक्ष, सचिव, सहसचिव र कोषाध्यक्षमा क्रमशः अम्बर सम्बाहाङफे, सुबास इजम, सुसिला लक्सम र सुक्र प्र. फागो चयन भएका छन् भने सदस्यहरुमा रत्न ब.वनेम फागो, सुरेन्द्र नाल्बो, डम्बर काम्बाङ, प्रेम फागो, टेक ब. वनेम फागो, मनिका वनेम फागो, अर्जुन फागो, पशुपति फागो र अरुणा योङहाङ चयन भएका छन् ।

त्यसै गरी सेरसिह योङहाङको संयोजकत्वमा सल्लाहकार समिति गठन गरेको छ । सल्लाहकारमा सिरि प्र.वनेम फागो, डम्बर वनेम फागो र नारायण वनेम फागो रहेका छन् । कार्यक्रममा आउँदो नेपालको १२औं राष्ट्रिय जनगणना २०७८ मा याक्थुङ् (लिम्बू) समुदायहरुले जातजातिको महलमा याक्थुङ लिम्बू, मातृभाषाको महलमा याक्थुङ् पान्, पूर्खाको भाषाको महलमा याक्थुङ, दोस्रो भाषाको महलमा खस नेपाली वा अन्य र धर्मको महलमा युमा धर्म लेख्न, लेखाउन चुम्लुङ् कार्यकर्ताहरूलाई अपिल गर्नु भएको थियो ।
कार्यक्रममा युमा साम्यो महासभा केन्द्रीय सदस्यद्धय चित्र वनेम फागो, र थोबाहाङ तुम्बाहाङ्फे, महासभा केन्द्रीय सल्लाहकार आर.वि.पालुङ्वा, युमा साम्यो महासभा झापा जिल्ला समिति अध्यक्ष सुरज विक्रम लक्सम र सचिब ललित कुमार लिम्बू लगायतको उपस्थिति रहेको थियो । कार्यक्रम सेरसिं योङहाङको अध्यक्षतामा सम्पन्न भएको थियो ।
Related