• मिक्सन मिभक

मिक्लाजुङ, मोरङ । मोरङकाे मिक्लाजुङ ६स्थित किसानचौक टाँडी रमिते सडक मिक्लुखोलाबाट प्रदेश १ सरकारको प्राथमिकतामा रहेको कालोपत्रे गर्ने काम शुरु भएको छ । बिश्वब्यापी फैलिएको कोभिडका कारण सडक निर्माणका काम केही समय रोकिएपनि अहिलेभने निरन्तरता पाएको हो ।

बहुबर्षे योजना अन्तर्गत असोज मसान्तसम्म २० किलोमिटरसम्म कालोपत्रे गरि सक्ने गरि ५८ करोड प्राबिधिक लागतमा उक्त सडक श्रेणीगत रुपमा शुरु गरेको मोरङ क्षेत्र न १ (क) का सांसद कुल प्रसाद साम्बा बताए ।

सडक निर्माणको लागि अहिले सम्म २६ करोड रकम खर्च भईसकेको पुर्बधार बिकास कार्यलय मोरङका टेक्निकल अफिसर किशोर पुरीले बताएका छन् । कालोपत्रे शुरुभएसँगै स्थानीय बासीहरु हर्षित भएका छन् । आस्फाल प्राबिधिबाट निर्माण गरिएको उक्त सडक गुणस्तरीय रहेको सडक बिभागबाट खटिएका कर्मचारीहरुले वताएका छन् ।