दमक प्रज्ञाप्रतिष्ठानद्वारा ६ वटा विधाका साहित्यिक पुरस्कार घोषणा, प्रज्ञा मातृभाषा साहित्यिक पुरस्कार लावतीलाई

 लिम्बुवान न्युज
                       

दमक, कातिक १८। दमक प्रज्ञा–प्रतिष्ठानद्वारा महाकवि लक्ष्मीप्रसाद देवकोटाको ११३औँ जन्मजयन्तीको अवसरमा फरक–फरक विधामा योगदान पुयाएको भन्दै ६ विधामा पुरस्कारको घोषणा गरेको छ ।

कार्यक्रम सुरु हुनुअघि देवकोटाचोकमा अवस्थित महाकवि देवकोटाको प्रतिमामा अध्यक्ष हेम अधिकारी लगायतले माल्यर्पण तथा पुष्पगुच्छा अर्पण गरी महाकवि प्रति श्रद्धासमुन अर्पण गर्नु भएको थियो ।

विहिवार दमक स्थित पशुपति मन्दिरको सभाहलमा दमक प्रज्ञा प्रतिष्ठानको आयोजना र साहित्य कला संगमको सहआयोजनामा १ नं प्रदेश सभासद माननीय अर्जुन राईको प्रमुख आतिथ्यता, दमक नगरपालिका नगर प्रमुख रोमनाथ ओली र दमक नगरपालिका प्रमुख प्रशासकीय अधिकृत गणेश प्रसाद तिम्सिनाको विशेष आतिथ्यतामा सम्पन्न हो ।

देवकोटाको १ सय १३ औ जन्म जयन्तीको अवसर पारेर घोषित पुरस्कारहरुमा दमक प्रज्ञा विशिष्ट प्रतिभा पुरस्कारबाट प्रा.डा. गोविन्दराज भट्टराईलाई प्रदान गरिने घोषणा गरिएको छ । यो पुरस्कारको राशी रु ५१ हजार रुपैँया रहेको छ । यस्तै, रु २१ हजार राशीको दमक प्रज्ञा सस्कृति पुरस्कार डा. सोमबहादुर धिमाललाई, त्यसैगरी दमक १ निवासी रचना लावतीलाइ रू. २१ हजारकै दमक प्रज्ञा मातृभाषा साहित्य प्रदान गरिने निर्णय भएको अध्यक्ष अधिकारीले बताए ।

यस्तै दमक प्रज्ञा कला साधना पुरस्कार चन्द्रा गड्तौलालाई प्रदान गरिने प्रतिष्ठानले घोषणा गरेको छ । यो पुरस्कारको राशी पनि रु २१ हजार नगद नै रहेको छ । यस्तै दमक प्रज्ञा विज्ञान तथा प्रविधि पुरस्कार जसहाङ लिम्बूलाई प्रदान गरिने भएको छ । जसको राशी पनि २१ हजार रुपैँया नै रहेको छ भने दमक प्रज्ञा बाल साहित्य पुरस्कार सेलिया श्रेष्ठलाई प्रदान गर्ने घोषणा गरिएको छ । यसको राशी रु १५ हजार रुपैँया रहेको छ । घोषित पुरस्कार दमक प्रज्ञा प्रतिष्ठानको स्थापना दिवसका दिन अर्थात आगामी मंसिर २५ गते प्रदान गरिने प्रतिष्ठान अध्यक्ष अधिकारीले जनाएको छ ।

कार्यक्रममा साहित्य क्षेत्रका सर्जकहरु मिश्र बैजन्तीले महाकवि देवकोटाको बाल्य अवस्था र सिर्जनाका बारेमा प्रकाश पानु भएको थियो भने साहित्यकार तिलोचन रिमालद्वारा देवकोटाको काव्यदेन बारेमा सामान्य जानकारी गराउनु भएको थियो । बाल कलाकार रियाज रिजालले देवकोटाको कविता वाचन गर्नु भएको थियो ।

कार्यक्रम दमक प्रज्ञा प्रतिष्ठान अध्यक्ष हेमनाथ अधिकारीको अध्यक्षतामा सम्पन्न भएको थियो भने सचिव विष्णु न्यौपानेले संचालन गरेका थिए ।

कार्यक्रममा संघसंस्थाका प्रमुख, दमक र उर्लाबारीका साहित्यकारहरू, जनप्रतिनिधि, राजनीतिक दलका प्रतिनिधिहरू, प्राध्यापक, बुद्धिजीवी, शिक्षक, कर्मचारी, समाजसेवीका साथै संचारकर्मीहरूको उपस्थिति रहेको थियो ।

सम्बन्धित समाचार

पहिचान आन्दोलनका प्रथम शहीद पदमकुमार लिम्बुको शहादत्ताको चर्चाः समाधिस्थल लगायत विभिन्न स्थानमा स्मृतिसभा सम्पन्न

दमक, १० चैत्र । प्रदेश नं. १ को नामाङकन कोशी राखेसँगै उठेको पहिचानवादी आन्दोलनको प्रथम सहिद पदमकुमार लिम्बू (लाजेहाङ) शहादत्त भएको आज एक बर्ष पुरा भएको छ । शहीद लाजेहाङको साहदतको चर्चा गर्दै शनिबार मोरङको...

महागुरु फल्गुनन्दको समाधिमा शालिक नराख्न संघको अनुरोध

दमक, १० चैत्र । पाँचथर जिल्लाको फाल्गुनन्द गाउँपालिकास्थित वडा नं. २ र ३ तथा फिदिम नपा वडा नं. ३ को संगम स्थल सिलौटीमा राष्ट्रिय विभूती महागुरु फाल्गुनन्दको शालिक नराख्न सो क्षेत्र संरक्षण गर्दै आएका किराती...

इलाम २ मा पत्रकार मिलन लिम्बुको स्वतन्त्र उम्मेदारी घोषणा

दमक, ४ चैत्र । नेपाल आदिवासी जनजाती पत्रकार महासंघका केन्द्रीय महासचिव मिलन लिम्बूले इलाम २ को प्रतिनिधिसभा सदस्य उपनिर्वाचनमा उम्मेदवारी घोषणा गरेका छन् । आइतबार काठमाडौं अनामनगरस्थित युनियन हाउसमा आयोजित पत्रकार सम्मेलनमा उनले उपनिर्वाचनमा स्वतन्त्र...

इलाम २ मा डकेन्द्रसिंह थेगीम लिम्बु पहिचान पक्षधरहरुको साझा उम्मेदवार घोषणा

ललितपुर, चैत्र ३ । ‘कोशी’ नाम विरुद्व आन्दोलनरत प्रदेश नं. १ पुनः नामाङकन संयुक्त संघर्ष समितिले पहिचान पक्षधरहरुको आसन्न इलाम क्षेत्र नम्बर २ को प्रतिनिधिसभा उपनिर्वाचनमा साझा उम्मेदवार घोषणा गरेका छन् । संघर्ष समितिले बिहीबार...