छथर, तेह्रथुम । संघीय लोकतान्त्रिक राष्ट्रिय मञ्च अन्तर्गत संघीय लिम्बुवान मञ्च, नेपाल छथर गाउँपालिका अध्यक्षमा दिपेन तुम्खेवा चयन भएका छन् । गत शनिबार छथर गाउँपालिका कार्य समितिको तेस्रो अधिवेशनले तुम्खेवाको अध्यक्षतामा २४ सदस्यीय कार्य समिति चयन गरेको हो ।

मञ्चका प्रान्तीय उपमहासचिव तथा संचारविभाग प्रमुख दिलकुमार लावतीको प्रमुख आतिथ्यतामा सम्पन्न अधिवेशनले नयाँ कार्य समिति सर्वसहमतिमा चयन गरेको थियो । कार्यक्रममा सचिवालय सदस्य शंकर खेवा, डिल्लीश्वर तुम्खेवा र प्रान्तीय सदस्य दिल पाक्सवाले शुभकामना मन्तव्य राखेका थिए ।

तेस्रो अधिवेशनबाट उपाध्यक्षमा रामकुमार लिम्बु, पवित्रा लिम्बु, उदय विक, केशरमान मादेन र पूर्ण साँवा निर्वाचित भएका छन् । यसरी नै सचिवमा योगेन्द्र साँवा, सहसचिवमा गोपाल लिम्बु र अर्थसचिवमा टेकबहादुर लिम्बु चयन भएका छन् भने सदस्यहरुमा धनबहादुर विक, टेक बहादुर तुम्खेवा, शान्ता लिम्बु, नगेन्द्र कुरुम्भङ, गोर्ख बहादुर लिम्बु, बुद्धसिं लिम्बू, ललित लिम्बू, चन्द्र तुम्खेवा, हिक्मत तुम्खेवा, भिम बहादुर लिम्बु, अमृत लिम्बू (राजु), गोर्ख लिम्बू, खिपेन लिम्बू, आइतराज लिम्बू र प्रकाश मगर निर्वाचित भएका छन् ।

लिम्बुवान मञ्चले हाल लिम्बुवानका सबै स्थानीय तह, वार्डपालिकादेखि जिल्ला अधिवेशन धमाधम गर्दै आएको छ ।