मिक्लाजुङ। पाँचथरको मिक्लाजुङ गाउँपालिकाले ८८ जना कृषकलाई चालू अर्थिक वर्षको बजेटमा प्रोत्साहन पुरस्कार बितरण गरेकाे छ ।

४० मुरी धान, २० फिट लम्बाइ, ४ फिट उच्चाइ भएकाे मकैकाे थाङग्राे र ३५ भन्दा धेरै अालु उत्पादन गर्ने कृषकहरूलाइ प्रोत्साहन स्वरूप पुरस्कार प्रदान गरिएकाे हाे ।

मापदण्ड पुगेका धान र मकैं फलाउने कृषकलाइ एक लाख रूपैयाँका दरले प्राेत्साहन पुरस्कार प्रदान गरिएकाे अध्यक्ष अमर माखिमले बताए । त्यसैगरी पालिकाले ३५ मन भन्दा धेरै अालु फलाउने कृषकलाइ प्रति किलाे २० का दरले पुरस्कार दिने पनि घाेषणा गरेकाे थियाे ।

गाउँपालिकामा याे बर्ष ४० मुरीभन्दा बढी धान फलाउने कृषक ४२ जना छन् । त्यसैगरी तोकिएको मापदण्डअनुसार मकै फलाउने कृषक ४६ जना रहेका छन् । धान र मकै दुवै तोकिएकाे मापदण्ड अनुरूप फलाउने  एउटै कृषकले दुई लाखसम्म रकम प्रदान गरिएकाे अध्यक्ष माखिमले बताएका छन् ।

पुरस्कार पाउने कृषकहरूलाई सोमबार गाउँपालिकाको केन्द्रमा आयोजित कार्यक्रममा १ नं. प्रदेशका आर्थिक मामिला तथा योजनामन्त्री इन्द्रबहादुर आङ्बो मौसमले एक लाख बराबरको चेक हस्तान्तरण गरेका छन् ।

गाउँपालिकाले कृषि क्षेत्रमा गरेकाे नमूना कार्यक्रमले किसानहरू हर्षित भएकाे जनप्रतिनिधिहरूले बताएका छन् । थप कृषि पेशामा लाग्न स्थानीयलाइ प्रेरित गरेकाे छ ।