गुरु आत्मानन्दको ६७औं जन्मोत्सव सम्पन्न

 लिम्बुवान न्युज
गुरु आत्मानन्दको ६७औं जन्मोत्सव सम्पन्न

  • ज्ञानु केदेम

माङसेबुङ । किरात धर्म गुरु मुहिङगुम अङसीमाङ लिङ्देन आत्मानन्द सेइङको ६७ औं शुभजन्मोत्सव तथा मुहिङगुम अङसीमामाङ साँबा पवित्रहाङमा लिङ्देन नोमाङगेन्ना सेवा समारोहमा समुद्घाटन सम्पन्न भएको छ ।

जन्मोत्सव समारोहलाई सम्बोधन गर्दै, प्रमुख अतिथि पूर्व सभामुख एवम् प्रतिनिधि सभाका माननीय सांसद सुवास चन्द्र नेम्बाङले अबको ३ वर्ष भित्र माङसेबुङ क्षेत्रमा आमूल परिवर्तन हुने बताए ।

बिहीबार आयोजना भइरहेको मुहिङगुम अङसीमाङ लिङ्देन आत्मानन्द सेइङको ६७ औं शुभजन्मोत्सव तथा मुहिङगुम अङसीमामाङ साँबा पवित्रहाङमा लिङ्देन नोमाङगेन्ना सेवा समारोहमा समुद्घाटन मन्तव्य राख्दै माननीय सांसद नेम्बाङले सो कुरा बताएका हुन ।

जन्मोत्सव समारोहलाई सम्बोधन गर्दै, प्रमुख अतिथि सांसद नेम्बाङले महागुरु फाल्गुनन्दले सुरु गर्नु भएको महान कार्यलाई गुरु आत्मानन्दले पूरा गर्न महत्वपूर्ण भूमिका खेल्नु भएको बताएको छ ।

देशमा विगतको भन्दा अझ शान्ति र एकता कायम गर्न आवश्यक रहेको प्रमुख अतिथि सांसद नेम्बाङले औल्याएका छन् । सांसद नेम्बाङले यस क्षेत्रका राजनीतिक दलका कार्यकर्ताहरु बीच एकता भएर विकास निर्माण काममा लाग्न आग्रह समेत गरेका थिए ।

हरेक वर्ष मंसिर १८ मा वृहत रुपमा मनाइदैं आएको अङसीमाङको जन्मोत्सव कोरोनाको जोखिमका कारण यसवर्ष कोरोना भाइरस महामारीका कारण सरकारले तोकेको स्वास्थ्य मापदण्डको पालना गर्दै सामाजिक, भौतिक दुरी कायम गरी समारोह मनाइरहेका छन् ।

मुहिङगुम अङसीमाङ लिङ्देन आत्मानन्द सेइङको ६७ औं शुभजन्मोत्सव तथा मुहिङगुम अङसीमामाङ साँबा पवित्रहाङमा लिङ्देन नोमाङगेन्ना सेवा समारोह समितिका अध्यक्ष केहेरसिं योङहाङको अध्यक्षतामा सञ्चालन भइरहेकोे छ ।

बिहीबार नै प्रमुख अतिथि नेम्बाङले माङसेबुङ ३ इलाममा निर्माण गरिएको १५ शैयाको आत्मानन्द अस्पताललाई समेत उद्घाटन गरेका थिए ।

जन्मोत्सवमा प्रमुख अतिथिबाट दीप प्रज्वलन गरिएको थियो । भने अब ६७ जना सेवासेवाहरुबाट मुन्धुम वाचन गरी माङ्गेन्ना गर्ने र माङगेन्ना चामल वितरण गरिने आयोजकले जनाएको छ ।

इलामको माङसेबुङ गाउँपालिका २ इभाङको चुक्चिनाम्बा अगौटेबारीमा २०११ मंसिर १८ गते शुक्रबार जन्मिनु भएका मुहिङगुम अङसीमाङ लिङ्देन आत्मानन्द सेइङले किरात धर्मदर्शन दाता, समाज सुधारक तथा राष्ट्रिय विभूति महागुरु फाल्गुनन्द लिङदेनको अपूरो, अधुरो कार्यलाई पूर्णता दिने क्रममा धार्मिक, सांस्कृतिक तथा सामाजिक रुपान्तरणमा अभियान चलाइरहनु भएको छ । वहाँलाई सत्य, शान्ति, अहिंसा र एकताका संबाहकको रुपमा किरात धर्मावलम्बीहरुले मान्ने र पुज्ने गरेका छन् ।

मुहिङगुम अङसीमाङ लिङ्देन आत्मानन्द सेइङको ६७ औं शुभजन्मोत्सवको अवसरमा विगतका वर्ष झै मंगलबार साक्मुरा वादेम्मा गरिएको र बुधबार किरात हाङसाम मुजोत्लुङ माङहिममा येत नाम्धुङ लाधुङ सेमी सेवा सञ्चालन गरिएको आयोजकले जनाएको छ ।

त्यसैगरी भव्य रुपमा आयोजना गरिँदै आएको आत्मानन्द गोल्ड कप यस वर्ष कोरोनाका कारण स्थगन गरिएपनि सामान्य स्थानीय माङसेबुङ परिसरका खेलाडीहरुको सहभागितामा बुधबार १ दिने खेलकुद कार्यक्रम आयोजना गरिएको छ ।

यसरी समारोहमा सांस्कृतिक विभाग किरात साम्यो साक्थिम्गेन पान्जुम्भोका केन्द्रीय कलाकारहरुबाट स्वागत नृत्य, किरात साम्यो माङसिवाखाहुन पान्जुम्भोबाट युमा लाङ, थेबा लाङ प्रस्तुत गरिएको थियो । भने किरात स्वर सम्राट अर्थवीर लाओती सिमले कान्छाले सिवाखाहुन समेत प्रस्तुत गरेको थियो ।

समारोहमा प्रमुख अतिथि नेम्बाङ, प्रदेश सांसदद्धय धिरेन्द्र शर्मा र आशारत्न चवेगू, संविधान सभा सदस्य आइन्द्र सुन्दर नेम्बाङ, माङसेबुङ गाउँपालिकाका अध्यक्ष डिकेन्द्र इधिङगो, किरात धर्म तथा साहित्य उत्थान संघका संस्थापक महासचिव चन्द्रकुमार सेर्मा लगायत उपस्थित हुनु भएको थियो ।

समारोहमा स्वागत मन्तव्य समारोहका सह अध्यक्ष तथा किरात धर्म तथा उत्थान संघका अध्यक्ष डकेन्द्रसिंह थेगिमले राखेका थिए भने महासचिव काकीराम लाओतीले सञ्चालन गरेका थिए ।

सम्बन्धित समाचार

प्रधानमन्त्री ओलीद्वारा फागुनमा स्थानीय तहको चुनाव गर्ने घोषणा

काठमाडौं । नेकपा एमालेका अध्यक्ष एवम् प्रधानमन्त्री केपी शर्मा ओलीले फागुनभित्रै स्थानीय तहको चुनाव हुने बताएका छन् । बालुवाटारमा बसेको महाधिवेशन आयोजक कमिटीको बैठकमा प्रधानमन्त्री ओलीले स्थानीय तहको चुनावी तयारीमा लाग्न निर्देशन दिएका हुन् ।...

पालाम ‘काराङ्वा पुसा’को छायाँकन सम्पन्न

लिम्बुवानखबर । लोकप्रिय गायक तथा संगीतकार यादन सेर्मा ‘नुनाम’ र गायिका भावना नेम्बाङको सुमधुर आवाजमा सजिएको लिम्बू संस्कृतिमा आधारित पालाम ‘काराङ्वा पुसा’ को म्युजिक भिडियो छायाँकन सकिएको छ । गीतकार सुवर्ण नेम्बाङको शव्द संकलन तथा...

मुक्कुमलुङ अतिक्रमण विरुद्ध काठमाडौं र झापामा एकैसाथ बिरोध

काठमाडौं। मुक्कुमलुङ अतिक्रमणको विरुद्धमा आज काठमाण्डौँमा बिरोध–सभा सम्पन्न भएको छ । लिम्बु समुदायको ऐतिहासिक आस्थालाई भत्काई ’मुक्कुमलुङ’को अस्तित्व मेट्ने दुस्प्रयास गरेकोले सरकारको यो गलत कदमको विरुद्धमा याक्थुङ लेखक मञ्च,उपत्यका समितिको आयोजनामा आज काठमाण्डौँमा बिरोध–सभा गरिएको...

मञ्चद्वारा दोभानका अग्निपिढीतहरुलाई राहत वितरण

ताप्लेजुङ। संघीय लोकतान्त्रिक राष्ट्रिय मञ्च सम्बद्ध संघीय लिम्बुवान मञ्च, नेपालको प्रवास समितिहरुद्वारा संकलित रकम ताप्लेजुङ् दोभानका अग्निपिढीत ५८ घर परिवारलाई राहत वितरण गरेको छ । संघीय लिम्बुवान सामाजिक मन्च, प्रवास कार्य समिति युकेको विशेष पहलमा...