१ लाख ८५ हजार राशीको खुल्ला अनलाईन अन्तराष्ट्रिय कविता प्रतियोगिता हुँदै

 लिम्बुवान न्युज
                       

दमक। संघीय लेखक मञ्च प्रवास मलेसियाले १ लाख ८५ हजार राशी पुरस्कार भएको अनलाइन कविता प्रतियोगिता गर्ने भएको छ ।
“अस्तित्व र पहिचानको निमित्त विश्वव्यापी खुल्ला अनलाईन कविता प्रतियोगिता २०७७” नाम दिईएको उक्त प्रतियोगितामा भाग लिन सबै पहिचानवादी लेखकहरुलाई अनुरोध गरेको छ ।

संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, नेपालको प्रवास समिति संघीय लिम्बुवान सामाजिक मञ्च, प्रवास मलेसियाको जनसंगठनको रुपमा संघीय लेखक मञ्च प्रवास मलेसिया हालै मात्र गठन भएको संगठन हो । संगठनले भर्खरै जन्मिए पनि ठूलो प्रतियोगिता गर्नलागेकोमा प्रवास समिति मलेसियाले सक्दो सहयोग गर्ने जनाएको छ ।

उक्त कविता प्रतियोगितामा प्रथम पुरस्कार १ लाख १ सय एक र प्रमाणपत्र, द्वित्तीय पुरस्कार ५० हजार १ सय एक र प्रमाणपत्र, तृत्तीय पुरस्कार २५ हजार १ सय एक र प्रमाणपत्र त्यसैगरी सान्त्वना पुरस्कार १० हजार १ सय एक र प्रमाणपत्र राखिएको लेखक मञ्चका अध्यक्ष जनम लिङदमले बताएका छन् ।

उक्त प्रतियोगितामा सहभागीहरुले विभिन्न नौ वटा बुँदामा उल्लेखित नियमहरु अनिवार्य पालना गर्नु पर्ने छ । अन्यथा सो प्रतियोगितामा कविता समावेश नहुने पनि प्रकाशित सूचनामा उल्लेख गरेका छन् ।

१. कविता गद्य र पद्यको सिद्धान्तमा रहि कम्तिमा १ सय देखि बढीमा १ सय पचास शब्दमा देवनागरी लिपिमा हुनुपर्नेछ ।
२. कविता भाषा, भूगोल, जातीय अस्तित्व र पहिचानको भाव भएको हुनुपर्नेछ ।
३. कविता प्रकाशन भइसकेको जानकारी भएमा प्रतियोगिताको लागि मुल्यांकन गरिने छैन, नयाँ प्रतिभालाई प्राथमिकता दिइने छ ।
४. कवितामा ‘श्रृङगारिक कविता’लाई मान्यता दिईने छैन । कविता वाचन गर्दा क्यामारा वा मोवाइलले खिच्न सकिनेछ । भिडियो खिच्दा तेर्सो अथवा सिधा बनाएर खिच्नु पर्नेछ ।
५. कविता सम्प्रेषण गर्दा श्रव्यदृश्य र लिखित दुवैमा नाम ठेगाना स्पष्ट पुरा हुनु पर्नेछ ।
६. प्राप्त भएका कविताको छनौट प्रक्रिया क्रमशः उत्कृष्ट ५०, सर्वोकृष्ट २०, विशिष्ट १० कविता गरि विशिष्ट १० बाट विजेटा, उपविजेता छनौट हुनेछ । यसरी कविता तीन चरणमा छनौट हुनेछ । प्रत्येक चरणमा नयाँ कविता समावेश हुनुपर्नेछ ।
७. कविताको मुल्यांकन ७० प्रतिशत निर्णायकको आधारमा र ३० प्रतिशत आधिकारिक पेजमा पोस्ट भएको भिडियोमा आएको रियाक्ट शेयर, कमेन्ट, भ्यूज र अटोरेक्ट गणना गरिने छैन । पेजलाई अनिवार्य लाइक फलो गरेको हुनु पर्नेछ ।
८. कविता आधिकारिक संघीय लेखक मञ्च प्रवास मलेसिया पेजबाट प्रत्येक प्रतियोगीहरुको भिडियो अप्लोट भएको १० दिन सम्म मात्र मुल्यांकनको अवधी रहनेछ ।
९. कविता सम्प्रेषण गर्ने मिति सन् २०२१ जनवरी १ देखि जनवरी ३० तारिकसम्ममा आधिकारिक ठेगानामा पठाउनु पर्ने जनाएको छ ।

सम्बन्धित समाचार

बाँकी जिन्दगी पहिचान प्राप्तिको लागि समर्पित गर्नेछुः सरक्षक रेशम चौधरी

काठमाडौं । नागरिक उन्मुक्ति पार्टीका संरक्षक रेशम चौधरीले मेरो गर्जाईबाट माइक्रोफोन बन्द हुन्छ भने तपाईं हामी सबै पहिचानबादीहरुको हुंकारबाट सिंहदरबार र नस्लबादीहरुलाई हल्लाउन बेर नलाग्ने बताएका छन् । परासीमा भएको स्वागत कार्यक्रममा बोल्दै पार्टीका संरक्षक...

अब कोही नेपाली नागरिक भूमिहीन भएर बस्नु पर्दैन – मन्त्री श्रेष्ठ

दमक, २४ जेष्ठ । भूमि व्यवस्था, सहकारी तथा गरिबी निवारण मन्त्री रन्जिता श्रेष्ठले अब कोही पनि नेपाली नागरिक भूमि अधिकारबाट वञ्चित हुनु नपर्ने बताएकी छिन् । आज (बुधबार) इलाम र झापाका ५४ परिवार भूमिहीन सुकुम्वासीहरुलाई...

लिम्बु संस्कृतिमा बनेको चलचित्र ‘लुङा’को फर्स्ट लुक सार्वजनिक

दमक। लिम्बू संस्कृतिमा बनेको चलचित्र ‘लुङा’को फर्स्ट लुक पोस्टर सार्वजनिक गरिएको छ । उक्त चलचित्र साउन ५ गतेबाट देशभर प्रदर्शनमा आउने भएको छ । सार्वजनिक फर्स्टलुकमा चलचित्रका मुख्य पात्रलाई स्थान दिइएको छ । बुद्धि तामाङ,...

पहिचान माग्दा थारुलाई जातीय आरोप लगाई जेल हालियोः रेशम चौधरी

काठमाडौं, २१ जेष्ठ । नागरिक उन्मुक्ति पार्टीका संरक्षक रेशम चौधरीले थारुहरुले आफ्नो परिचान माग्दा जातियवादको आरोप लाग्ने गरेको बताएका छन् । आइतवार तुलसीपुरमा नागरिक अभिनन्दन कार्यक्रमलाई सम्वोधन गर्दै उनले आफुहरु जातीयवादी नभएको प्रष्ट पार्दै केही...