शिक्षकलाई अनिवार्य पोशाकः नलगाए भत्ता रोक्का

 लिम्बुवान न्युज
                       

ताप्लेजुङ। ताप्लेजुङको मैवाखोला गाउँपालिकाले नियमित पठनपाठन शुरु गरेको छ । उक्त गाउँपालिकामा कार्यरत शिक्षकले तोकिएको पोशाक नलगाई विद्यालय गएको पाइएमा पोशाक भत्ता रोक्का गर्ने जनाएको छ ।

कोरोना भाइरसका कारण लकडाउन भएदेखि हालसम्म सो गाउँपालिकाले विद्यालय खोलेको थिएन । यस विसम परिस्थितिले विद्यार्थीको पठनपाठनमा प्रत्यक्ष असर परेको हुँदा आजदेखि औपचारिक रुपमा विद्यालय खोल्ने निर्णय गरिएको पालिकाका प्रवक्ता थर्ककुमार चोङवाङले जनाएका छन् । स्वास्थ्य मापदण्डलाई पालना गर्दै पालिकाले सबै विद्यालयमा स्वास्थ्य सामाग्री उपलब्ध गराउने पनि उनले बताए ।

पालिकाले विहान कक्षा ८देखि १२ सम्मका विद्यार्थीको कक्षा संचालन गर्ने र ८ देखि तलका विद्यार्थीको दिउँसो कक्षा सञ्चालन गर्ने निर्णय गरेको छ । तोकिएको पोशाक शिक्षकहरुले अनिवार्य लगाएर मात्र विद्यालय जान र हाजिर गर्न शिक्षा शाखाका सहायक प्राविधिक अर्जुनकुमार घिमीरले बताए । पालिकाले शिक्षकहरुले पोशाक लगाए नलगाएको अनुगमन गर्ने छ यदि निर्णय उल्लंघन गरेको पाइएमा भत्ता कटौती गर्ने निर्णय गाउँपालिकाले गरेको बताए ।

हाल उक्त गाउँपालिकामा माध्यमिक विद्यालय पाँच वटा, निम्न माध्यमिक विद्यालय तीन वटा र आधारभूत विद्यालय २० वटा गरेर जम्मा २८ वटा सामुदायिक विद्यालय सञ्चालनमा रहेको छ ।

सम्बन्धित समाचार

संयुक्त पहिचानवादी मोर्चा भोक्राहानरसिंह गाउँपालिका गठन

सुनसरी, ७ जेठ । संयुक्त पहिचानवादी मोर्चा भोक्राहानरसिंह गाउँपालिका समिती गठन भएको छ । रहमतुलम मन्सुरीको संयोजकत्वमा २९ सदस्य समिती गठन गरिएको हो । यसैगरी सहसंयोजकमा हसबुल मिया, सदस्य सचिवमा वादिल अन्सारी, सह-सचीवमा खतिजा खातुन...

केवलकार निर्माण नारोकिए कडा संघर्ष गर्ने चेतावनी

ललितपुर, ६ जेठ । मुक्कुमलुङ संरक्षण तथा केवलकार निर्माण खारेजी तत्काल नरोकिए कडा प्रतिवाद गर्ने चेतावनी दिएका छन् । केवलकार निर्माणलाई विकासको योजना भन्दै उपनिवेशीकरण, अतिक्रमण, मानवअधिकार उल्लंघन तथा जबर्जस्ती अगाडि नबढाउन ललितपुरमा आयोजित पत्रकार...

गंगा साउदेनको संयोजकत्वमा संयुक्त पहिचानवादी मोर्चा गठन

दमक, ६ जेठ । इलामको चुलाचुलीमा संयुक्त पहिचानवादी मोर्चा गठन भएको छ । मंगलबार चुलाचुलीस्थित आपझोलामा भएको एक कार्यक्रमले गंगा साउदेन लिम्बुको संयोजकत्वमा मोर्चा गठन गरिएको हो । उक्त कार्यक्रमले समितिको सहसंयोजकहरुमा विरमान तामाङ, विक्रम...

कोशी नाम खारेजी आन्दोलन साझा नाममा सहमति खाेज्ने र राजनीतिक संवाद गर्दै अघि बढाउने

ललितपुर, ६ जेठ । प्रदेश नं. १ को कोशी नाम खारेजी आन्दोलन राजनैतिक संगठनहरुसँग संवाद गर्दै अगाडि बढाउने निर्णय भएको छ । आइतबार ललितपुरस्थित किरात याक्थुङ चुम्लुङको कार्यालयमा बसेको बैठकले पहिचानको आधारमा प्रदेशको नाममा सहमति...