काठमाडौं। पछिल्लो २४ घण्टाको अवस्था हेर्दा नेपालमा १ हजार १४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयको नियमित सूचना प्रवाह अनुसार पछिल्लो २४ घण्टामा १ हजार १४ जनामा कोरोना भाइरस संक्रमण पुष्टि भएको हो ।

मन्त्रालयले जनाए अनुसार २४ घण्टामा ६ हजार २ सय २० जनाको स्वाव परीक्षण गरिएको छ । योसँगै नेपालमा हालसम्म संक्रमितको संख्या २ लाख ४१ हजार ९९५ पुगेको छ । मन्त्रालयका अनुसार पछिल्लो २४ घण्टामा १ हजार ६ सय २८ जना संक्रमणमुक्त भएका छन् ।

तथ्याङ अनुसार हालसम्म संक्रमणमुक्त हुनेको संख्या २ लाख २७ हजार ४ सय ३३ पुगेको छ भने हाल नेपालमा सक्रिय संक्रमितको संख्या १२ हजार ९ सय ४८ रहेको मन्त्रालयले जनाएको छ ।