तेह्रथुम। फेदाप गाउपालिकाले आफ्नो छुट्टै जेसिबी खरिद गरि गाउपालिका भित्रका विभिन्न स्थानहरुमा नयाँ तथा पुराना सडकहरुको निर्माण तथा मर्मत सम्भार कार्यको थालनी गरेको छ ।

फेदाप गाउपालिका वार्ड नं. १ देखी निर्माण कार्य सुरु गरि अहिले वार्ड नं. ५ मा सञ्चालन भइरहेको छ भने वडा नं. २,३ र ४ मा यस लगत्तै मर्मत संम्भार गरिनेछ ।
आर्थिक बर्ष २०७७र०७८ को बार्षिक बजेट कार्यक्रमबाट विनियोजित रु ४६ लाख मुल्यको जेसिबी खरिद गरिएको गाउपालिका अध्यक्ष हरिप्रसाद चोङबाङले जानकारी गराउनुभयो । गाँउपालिकाले आफ्नै जेसिबी खरिद गरि सञ्चालनमा ल्याए पछि स्थानीय बासी समेत हर्षित बनेका छन ।

सानातिना बाटो मर्मत संम्भार गर्न परे साहुको चर्को मुल्यमा जेसिबी चलाउनु पर्ने बाध्यता बाट मुक्त भएको फेदाप ५ निबासी समाजसेवी तिलबिक्रम हुक्पाचोङबाङ बताउनु हुन्छ ।

मुख्यत ग्रामीण क्षेत्रहरुमा बर्षायाममा प्रसस्तै पानी परि सबै सडकहरुमा पहिरो खसी बाटो संचालनमा समस्या आउने गर्दछ । यसरी समस्या आएपछि प्रत्येक स्थानका ग्रामीण क्षेत्रहरूमा सामान्यतया नियमित संचालन हुने समान ढुवानी गर्ने ट्याक्टरहरु संचालन बन्द भएका हुन्छन । सडक मर्मत पछि भने संचालनमा सहज बनेको छ ।