काँकडभिट्टामा नाका खोल्न माग गर्दै चौथो चरणमा हस्ताक्षर सङ्कलन अभियान शुरु

 लिम्बुवान न्युज
                       

  • भूमिका फियाक

मेचीनगर। नेपालको पूर्वी नाकालाई सहज बनाउनुपर्ने मागसहित चरणबद्ध आन्दोलनमा उत्रिएका मेचीनगरका होटेल तथा पर्यटन व्यवसायी लगायतका अन्य व्यवसायीहरूले आइतबारदेखि चौथो चरणको आन्दोलन सुरु गरेका छन् ।

यस अघिका आन्दोलनमा सम्बन्धित पक्ष आफ्नो मागप्रति सकारात्मक नभएका कारण चौथो चरणको आन्दोलनमा उत्रिनु परेको उनीहरूको भनाइ छ । होटल व्यवसायी संघ मेचीनगर र ट्राभल संघ झापाले संयुक्तरुपमा आयोजना गरेको विरोध कार्यक्रममा अन्य उद्योगी व्यवसायीहरूले समेत साथ दिएका छन् ।

होटेल व्यवसायी र ट्राभल व्यवसायी संघको नेतृत्वमा चौथो चरण अन्तर्गत हस्ताक्षर अभियान सुरु गरिएको सम्बन्धित पक्षले जनाएको छ । काँकडभिट्टा बसपार्कमा सुरु हस्ताक्षर अभियानमा एक हजार बढीको हस्ताक्षर सङ्कलन गरी १ नम्बर प्रदेश सरकारलाई बुझाउने तयारी गरिएको होटल व्यवसायी संघ मेचीनगरका अध्यक्ष सुरेशकुमार गोपाल श्रेष्ठले बताउनुभयो ।

उहाँले विभिन्न व्यवसायीहरूको मागप्रति अब पनि समयमै सुनुवाइ नभए पुस १ गतेबाट आन्दोलनका कार्यक्रमलाई थप कडा पार्ने बताउनुभयो । तेस्रो चरणसम्मको शन्तिपूर्ण आन्दोलनमा सम्बन्धित पक्षको कानमा बतास नलागेपछि बाध्य भएर चौथो चरणको आन्दोलन रोज्नु परेको अध्यक्ष श्रेष्ठको भनाइ छ । यसअघि उनीहरूले विरोध प्रदर्शन ¥यालीदेखि स्थानीय सरकारलाई ज्ञापन–पत्र बुझाउनेसम्मका कार्य गरेका थिए ।

कोभिड–१९ को संक्रमण देखाएर लामो समयदेखि सरकारले गरेको सिमाबन्दका कारण पर्यटकको आवागमन ठप्प भएको जसका कारण नगरका हरेक व्यवसायीहरूले लाखौँ आर्थिक व्ययभार व्यहोर्नु परेको भन्दै अब सुरक्षा सावधानी अपनाएर पर्यटकको आवागमन सहज बनाउन नाका खुला गर्नुपर्ने माग उनीहरूको छ ।

नाकाबन्दीका कारण सर्वसाधारणले समेत सास्ती व्यहोर्नु परेको बताउँदै उनीहरूले काँकडभिट्टाको बजार भारतीय ग्राहकमा भर पर्ने भएकाले नाकाबन्दीका कारण भारतीयहरु आउन नपाउँदा व्यवसाय नै चौपट्ट बनेको व्यवसायीहरूको भनाइ छ ।

सम्बन्धित समाचार

झापामा पहिचानको लागि युवा गठनः सामी पालुङवाको संयोजकत्वमा १५०१ युवा घोषणा

दमक, ३० भदौं । प्रदेश नम्बर १ पुनः नामाङ्कन संयुक्त संघर्ष समिति झापाले पहिचानको आन्दोलन सशक्त बनाउन झापामा “पहिचानको लागि युवा” दस्ता घोषणा गरेको छ । शनिबार बिर्तामोडस्थित सिटि सेन्टरको सभाहलमा झापा जिल्लाका पहिचानवादी युवाहरुको...

समाजवादी मोर्चालाई प्रदेशको नाम कोशी लेख्न सकस

विराटनगर, २५ भदौ । सोमबार विराटनगरमा प्रदेश स्तरीय सभा आयोजना गर्दा समाजवादी मोर्चाले ब्यानरमा प्रदेशको नाम लेख्न सकेन । प्रधानमन्त्री पुष्पकमल दाहाल प्रचण्डसहित मोर्चामा आवद्ध दलका शीर्ष नेताले सम्बोधन गरेको उक्त सभाको ब्यानरमा ‘प्रदेश स्तरीय...

दमकका स्रष्टा हेम अधिकारीका तीनवटा कृति एकैसाथ विमोचन

झापा, दमक । साहित्यकार हेम अधिकारीका तीन कृति क्रियाको रुप विश्लेषण आधुनिक भाषा विज्ञान, जीवनका गौंडा गल्छेँडाहरु र “उत्तरी ध्रुवतिर टहलिँदा “नियात्रा सङ्ग्रह साहित्य कला संगम दमकको आयोजनामा मेची सहकारीको सभाहलमा बिमोचन कार्यक्रम सम्पन्न भयो...

चुम्लुङले कोशी खारेजीको माग राख्दै र्यालीसहित ३५औं स्थापना दिवस मनायो

काठमाडौं, १७ भदौं । ललितपुरमा प्रदेश नं. १ को नाम कोशी खारेज गर्न मागसहित विरोध प्रदर्शन भएको छ । आइतबार दिउँसो किरात याक्थुङ चुम्लुङको ३५ औं स्थापना दिवसको अवसरमा ललितपुरको जावलाखेलदेखि ढोलाहिटीस्थित चुम्लुङ् हिमसम्म प्रदर्शन...