वडावडामै अपाङ्गता परिचयपत्र वितरण गर्दैः माङसेबुङ गाउँपालिका

 लिम्बुवान न्युज
                       

माङसेबुङ। इलामको माङसेबुङ गाउँपालिकाले वस्तीमै पुगेर अपाङ्गता परिचयपत्र वितरण शिविर संचालन गर्ने भएको छ ।

पालिकाले अपाङ्गता भएका व्यक्तिलाई सहज हुने स्थानमा शिविर सञ्चालन गरेर अपाङ्गता परिचयपत्र वितरण गर्न लागेको हो ।

पौष ८ देखि १३ गतेसम्म सबै वडामा विशेषज्ञ डाक्टरसहितको टोलिले सम्बन्धित वडामा नै गएर शिविर संचालन गर्दै अपाङ्गता परिचयपत्र वितरण गर्न लागिएको माङसेबुङ गाउँपालिका अध्यक्ष डिकेन्द्र इदिङ्गोले बताए । वडावडामा नै पुगेर अपाङ्गताहरुलाई परिचयपत्र विरतण संगै स्वास्थ्य जाँच गर्दा सेवाग्राहीलाई सहज हुने भएकाले शिविर संचालन गर्न लागिएको इदिङ्गोले बताए ।

गाउँपालिकाले ८ गते वडा नम्बर १ को वडा कार्यालय, ९ गते वडा नम्बर ३ को चतुरेमा, १० गते वडा नम्बर ४ को वडा कार्याला, ११ गते वडा नम्बर ५ को भालुटार, १२ गते वडा नम्बर ६ को चिसोपानी पंचमी बजार र १३ गते वडा नम्बर २ को वडा कार्यालयमा शिविर संचालन गर्ने जनाएको छ ।

शिविरमा यसअघि नै अपाङ्गता परिचयपत्र पाएकाहरुको परिचयपत्र प्रतिस्थापन गरेर नयाँ वितरण गरिने र नयाँ अपाङ्ता भएका व्यक्तिलाई नयाँ परिचयपत्र वितरण गरिने गाउँपालिकाले जनाएको छ । पालिकाको अनुसार फरक क्षमता भएका व्यक्तिलाई अपाङ्गताका आधारमा चार किसिमको परिचयपत्र वितरण गरिएको थियो ।
शिविरमा यसअघि नै अपाङ्गता परिचयपत्र पाएका व्यक्तिहरुलाई आफ्नो परिचयपत्र अनिवार्य ल्याएर आउन समेत गाउँपालिकाले अनुरोध गरेको छ ।

सम्बन्धित समाचार

दमकमा पहिचानको सवालमा याक्थुङ युवाहरूको भूमिका विषयमा अन्तरक्रिया कार्यक्रम सम्पन्न

दमक । झापाको दमकमा पहिचानको सवालमा याक्थुङ युवाहरूको भूमिका विषयमा अन्तरक्रिया कार्यक्रम तथा २०८१ सालको पात्रो विमोचन कार्यक्रम सम्पन्न भएको छ । शुक्रबार झापाको दमकमा अवस्थित किरात भवनमा पहिचान र अस्तित्व वचाऔं, सम्पुर्ण याक्थुङ युवाहरु...

पहिचानवादी साझा स्वतन्त्र उम्मेदवार डकेन्द्र सिंह लिम्बु (थेगिम)ले पाए चुनाव चिन्ह ‘मुढा’

दमक, २८ चैत्र । आगामी बैशाक १५ गते इलाम निर्वाचन क्षेत्र नं. २ मा हुने उपनिर्वाचनका लागि पहिचान पक्षधरका साझा स्वतन्त्र उम्मेदवार डकेन्द्र सिंह थेगिमले चुनाब चिन्ह हातले बुनेको ‘मुढा’ पाएका छन । मंगलबार निर्वाचन...

आजबाट निर्वाचन आचारसंहिता लागू

दमक, चैत्र २८ । आगामी वैशाख १५ गते हुने उपनिर्वाचनका लागि इलाम र बझाङमा जिल्लाभर निर्वाचन आचारसंहिता लागू भएको छ । इलाम जिल्लाको क्षेत्र नम्बर २ र बझाङ १ को प्रदेश सभा निर्वाचन क्षेत्र नम्बर...

पहिचानवादीहरुको साझा उम्मेदवार डकेन्द्र सिंह लिम्बु (थेगीम) सहित २० जनाको उम्मेदवारी मनोनयन

इलाम, २५ चैत्र। १५ वैशाखमा इलाम–२ मा हुने उपनिर्वाचनका लागि पहिचानवादीहरुको साझा स्वतन्त्र उम्मेदवार डकेन्द्र सिंह लिम्बु (थेगीम) सहित विभिन्न दल र स्वतन्त्र उम्मेदवार गरी २० जनाले मनोनयन दर्ता गराएका छन् । शनिबार इलामस्थित मुख्य...