ललितपुर। किरात याक्थुङ् चुम्लुङ्ले तीन स्रष्टाहरुलाई चासोक तङ्नामको अवसर पारेर पुरस्कृत गरेको छ । लामो समयदेखि लिम्बु समुदाय प्रति आ–आफ्नो क्षेत्रबाट योगदान पुर्याउनु हुने व्यक्तित्वहरुलाई कियाचूले पुरस्कृत गर्ने निर्णय गरेको हो ।
लिम्बु भाषा साहित्यमा कलम चलाई रहेका लेखक तथा सहित्यकार लछामी सेर्मा पापोलाई कियाचु इमानसिङ चेम्जोङ पुरस्कार प्रदान गर्ने निर्णय गरेको छ ।
लेखक तथा सहित्यकार लछामी सेर्मा पापोलाई ‘येवोकरक’ कृतिबाट यस बर्षको इमानसिङ् चेम्जोङ् पुरस्कारबाट पुरस्किृत हुने भएका हुन् ।
उक्त पुरस्कार लेखक पापोलाई इतिहासकार इमानसिङ चेम्जोङको ११८ औं जन्मजयन्तीको अवसरमा प्रदान गरिएको हो ।
यसैगरी लामो समय देखि लिम्बु भाषा साहित्यमा लागिपर्नु भएका लेखक तथा सहित्यकार थाकुहाङ मेरिङ सङबाङफेलाई यस बर्षको कियाचु–किरात सिरीजंगा पुरस्कार प्रदान गरिने भएको छ ।
साहित्यकार मेरिङका हालसम्म ८ वटा कृतिहरु प्रकाशन भएका छन् । उक्त पुरस्कार तेअङ्सि सिरीजंगा सिं थेवेको ३१६औं जन्मजयन्तीको अवसरमा प्रदान गरिएको हो ।
थुप्रै म्यूजिक भिडियो तथा चलचित्रहरु निर्देशन गरिसकेका निर्देशक रणबिर सेर्मा(रवि)लाई यस बर्षको कियाचु उदयकला पुरस्कार प्रदान गरिने भएको छ । लिम्बु भाषाका गीत तथा चलचित्रहरुको सफल निर्देशन गरेका लिम्बुको निर्देशनमा बहुचर्चित चलचित्र ‘केःवा कोक्मा’ का बनेको छ ।
किरात याक्थुङ चुम्लुङ केन्द्रिय कार्यसमितिको सचिवालयले लेखक तथा सहित्यकार लछामी सेर्मा पापोलाई कियाचु–इमानसिङ चेम्जोङ पुरस्कार, त्यसैगरी थाकुहाङ मेरिङ सम्बाहाम्फेलाई कियाचु–किरात सिरीजंगा पुरस्कार र रणविर सेर्मा (रवि)लाई यस बर्षको कियाचु उदयकला पुरस्कार प्रदान गर्ने निर्णय गरेको थियो ।
साथै पुरस्कृत तीन श्रस्टाहरुलाई आदिवासी लिम्बू समुदायको राष्ट्रिय चाड चासोक तङनामको अवसरमा आज भर्चूअलबाट घोषणा गरि वितरण गरिने किरात याक्थुङ चुम्लुङको केन्द्रिय सचिवालयले जनाएको छ ।
