दमक, १७ मंसिर । संघीय लिम्बुवान मञ्च, नेपाल दमक वडा नं. ६ मा वडा समिति गठन भएको छ । शुक्रबार आयोजित एक कार्यक्रममा बिना आङदेम्बेको अध्यक्षतामा समिति गठन भएको हो ।
मञ्चका प्रान्तीय सचिव धनराज सुब्बाको प्रमुख आतिथ्यतामा आयोजित कार्यक्रममा आङदेम्बेको अध्यक्षतामा गठित समितिको उपाध्यक्षमा हेमेन लावती, सचिवमा नविन राई, सह–सचिवमा गणेश ढकाल चयन भएका छन् भने सदस्यहरुमा सम्झना लिम्बु, लक्ष्मी लिम्बु, सपना ठाकुर, सुमन कुरुम्बाङ, मैया श्रेष्ठ, अञ्जु माझी, दिपा लिम्बु, मनोज तामाङ र रमा केरुङ चयन भएका छन् । अर्थ सचिव पद भने अहिले खाली रहेको नगर सचिव सुखबहादुर सोदेम्बा बताए ।
कार्यक्रममा प्रान्तीय सदस्य कविन्द्र सेर्मा, दमक नगर अध्यक्ष याम लिम्बु लगायत नेताहरुको उपस्थिति रहेको नगर सचिव सोदेम्बाले बताए ।
Related