दमक, १५ पुस । नेपाली कांग्रेस दमकले १४ औं महाधिवेशनमा उपल्लो तहमा निर्वाचित नगरका नेताहरुलाई सामूहिक रुपमा बधाई तथा शुभकामना कार्यक्रम गरेको छ ।
पार्टीका नगर सभापति प्रकाश प्रसाइँको सभापतित्व र नवनिर्वाचित केन्द्रीय सदस्य सांसद महेन्द्रकुमारी लिम्बूको प्रमुख आतिथ्यमा विहिबार पार्टी कार्यालयमा आयोजित कार्यक्रममा निर्वाचित प्रदेश, जिल्ला, क्षेत्रीय र प्रदेश सभातर्फका नवनिर्वाचित पदाधिकारी तथा सदस्यहरुलाई बधाई शुभकामना दिएको हो ।
दमकबाट प्रदेश समितिको सदस्यमा चन्द्रा खडका भट्टराई, भुमिराज राई, जिल्ला उपसभापतिमा शेरबहादुर भट्टराई, महाधिवेशन प्रतिनिधिद्धय सुरेश सुब्बा र डा. नेत्र बुढाथोकी, जिल्ला सदस्यहरु, क्षेत्र नं ५ का क्षेत्रीय सभापति ढुण्डीराज भण्डारी, प्रदेश क्षेत्र (ख) का सभापति रवि केसी न्यौपाने लगायत दर्जन बढी नेताहरुहरुलाई सामूहिक रुपमा बधाई तथा शुभकामना दिइएको पार्टीका नगर सचिव रामचन्द्र अधिकारीले जानकारी दिए ।
त्यस्तै, दमकबाट पहिलो पटक केन्द्रीय सदस्यमा निर्वाचित भएकी लिम्बूलाई समेत कांग्रेसले बधाई शुभकामना दिएको थियो । पार्टीका नगर उपसभापति प्रेम भट्टराईले स्वागत मन्तव्य राखेको सो कार्यक्रममा महाधिवेशन प्रतिनिधि एवं नेता सुरेश सुब्बा, निवनिर्वाचित जिल्ला उपसभापति भट्टराई, क्षेत्रीय सभापति भण्डारी लगायतले मन्तव्य राख्दै अधिवेशन सकिएसंगै सबै तहमा पार्टीको नयाँ नेतृत्व चयन भइसकेकाले अब कांग्रेस एक ढिक्का भएर सबै तहका आगामी निर्वाचनहरुमा विजयीको झण्डा फहराउने प्रतिबद्धता जनाएका थिए । कार्यक्रमको सञ्चालन नगर सचिव दिपेश दाहालले गरेका थिए ।
दमक ३ निवासी कांग्रेसका कृयाशिल सदस्य रमेश पौडेलले कांग्रेस दमकलाई १ लाख ५० नगद सहयोग गरेका छन् । पार्टी कार्यालय व्यवस्थापनमा सहयोग पुरयाँउन दाता पौडेलले नगर सभापति प्रकाश प्रसाईलाई उक्त सहयोगको चेक हस्तान्तरण गरे ।
यसैगरि, फ्रष्ट लिंक इन्टरनेटले पनि कांग्रेस दमकको पार्टी कार्यालयलाई प्रविधि मैत्री बनाउन इन्टरनेटको सुविधा निशुल्क उपलव्ध गराएको नगर सचिव दिपेश दाहालले बताए ।
दमक, झापा । याक्थुङ समुदायका प्राज्ञिक व्यक्तित्व तथा बहुआयामिक स्रष्टा सागर केरुङका ६ ओटा महत्वपूर्ण कृतिहरू एकैसाथ विमोचन भएका छन् । याक्थुङ प्रज्ञा प्रतिष्ठान नेपालको आयोजनामा गत बैशाख २६ गते शनिवार पाँचथरको फिदिममा सम्पन्न विशेष...
ललितपुर, ताप्लेजुङस्थित धार्मिक तथा सांस्कृतिक आस्थाको केन्द्र मुक्कुमलुङमा निर्माण गर्न लागिएको केवलकार परियोजनाको विरोधमा काठमाडौँको माइतीघरमा विरोध प्रदर्शन गरिएको छ । याक्थुङ (लिम्बु) समुदायको आस्थाको धरोधर मास्न पाइदैन भन्दै आदिवासी जनजाति महासंघ, किरात याक्थुङ चुम्लुङ...
दमक, झापाको दमक नगरपालिकाको आयोजनामा दोस्रो दमक नगरस्तरीय खेलकुद महोत्सवको उद्घाटन भएकाे छ । आइतबार दमक नगरपालिकाको प्राङ्गगणबाट दमक ७स्थित नमुना व्याट्मिन्टनको सभाहलसम्म विभिन्न झाँकी सहित खेलकुद महोत्सवको उद्घाटन गरिएकाे हो । खेलकुद महोत्सवमा फुटबल,...
फेदेन। पान्थर जिल्लाको फेदेनस्थित होटल सरगमको सभाहलमा सनिवार आयोजित याक्थुङ साहित्यको सिन्थेसिस’ कार्यक्रममा सात जना स्रष्टाका एक दर्जन कृतिहरू एकैसाथ लोकार्पण गरिएको छ । प्रमुख अतिथि किरात याक्थुङ् चुम्लुङ चुम्लुङका सङघीय अध्यक्ष तुत्तु गोविन्द आङ्बुङको...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७