दमक। दमकका युवा उद्यमी रुपक दाहालले दमक ४ को कृष्णमन्दिरमा दमककै सुविधा युक्त होटल नर्वदा संचालनमा ल्याएका छन् ।

संचालकः रूपक दाहाल

विगत ५ बर्ष देखि निर्माण शुरु भएको होटल एक कार्यक्रम बिच बुधबार उद्घाटन गरी संचालनमा आएको हो । १९ वटा डिलक्स रुप सहितको सो होटल स्टार होटलले दिने सुविधा सहित शुरु भएको संचालक दाहालले बताए ।

रेष्टुरेण्ट, बार र हलको समेत सुविधा भएको उक्त होटलमा पार्किङ्को राम्रो सुविधा हुनुका साथै चाडै नै चिल्डेन पार्क र स्वीमिङ् निर्माण गरिने संचालक दाहालले बताए । उनले– दमकमा एकान्तमा गएर शान्त वातावरणमा स्टार लेवलको होटलले दिने सुविधा कतै नभएको दावी गर्दै यस होटलले त्यो सुविधा दिने बताए । त्यसैगरी उनले सस्तो र पारिवारिक वातावरणमा स्टार लेभलको सुविधा दिन सकिने समेत बताए ।

दमक देशकै मुटु भएको हुँदा यहाँ अर्बौका प्रोजेक्टहरु भ्यू टावर, बुद्धको मुर्ती औधोगिक कोरिडोर ल्गायतका महत्वपूर्ण योजनाहरुलाई लक्षित गर्दै सुविधा युक्त होटल निर्माण गरेको बताउनु हुने दाहालले करिब ५ करोडको लागतमा होटल संचालनमा ल्याएका हुन् ।