माङ्सेबुङ। इलाम जिल्लाको माङसेबुङ १ मा फूङखोला पाटीगाउँ सिंचाइ योजनाको एक कार्यक्रम बिच शिल्यानास भएको छ । माङ्सेबुङ गाउँपालिकाका अध्यक्ष डिकेन्द्र इधिङ्बाट शो सिंचाइ योजनाको आज शिल्यानास भएको हो ।

स्वीस सरकार विकास सहयोगमा साना सिंचाइ कार्यक्रम अन्तर्गत ४० प्रतिशत, संघीय सरकारको ३० प्रतिशत, स्थानीय सरकार गाउँपालिकाको २० प्रतिशत र स्थानीय उपभोक्ता जनसहभागिताको १० प्रतिशत सहभागिताबाट बन्ने उक्त सिंचाई निर्माणमा ३२ लाख १४ हजार दुईसय पैतालिस रुपैयाँ विनियोजन भएको गाउँपालिका अध्यक्ष इधिङ्गोले जनाएका छन् ।

सो फूङखोला पाटीगाउँ सिंचाई योजनाले वडा नं. १ का एकसय घरधुरी लाभान्वित हुनेछन् । साे क्षेत्रको करिब ३ सय रोपनी खेती योग्य जमिनमा सिंचाइ गर्न सकिने माङ्सेबुङ् गाउँपालिकाकाे कृषि शाखाले जनाएको छ ।