काठमाडौं । एपीएफले महिला फूटलब लिगको उपाधी उचालेको छ । एपीएफकी सरु लिम्बु महिला लिगको सर्वाेत्कृष्ट खेलाडी बनेकी छिन् । उनले एपीएफलाई महिला लिग च्याम्पियन बनाउन उत्कृष्ट प्रदर्शन गरेँसगै स्कुटर हात पारेकि छन्् ।

एपीएफले शुक्रबार लिगको अन्तिम खेलमा आर्मीलाई ३–० ले पराजित गर्दै शतप्रतिशत नतिजासहित लिग उपाधि जितेको हो ।

यस्तै व्यक्तिगततर्फ नेपाल पुलिसकी उषा नाथ उत्कृष्ट गोलकिपर र अमृता जैसी उत्कृष्ट डिफेण्डर, आर्मीकी विमला चौधरी उत्कृष्ट मिडफिल्डर तथा एपीएफकी सावित्रा भण्डारी उत्कृष्ट फरवार्ड घोषित भए । एपीएफकै भगवती थापा उत्कृष्ट प्रशिक्षक घोषित भइन् ।

लिग विजेता एपीएफले १५ लाख रुपैयाँ हात परेको छ भने उपविजेता त्रिभुवन आर्मी क्लबले ८ लाख रुपैयाँमा चित्त बुझाएको छ । त्यसैगरी नेपाल पुलिस क्लबले तेस्रो हुँदै ५ लाख रुपैयाँ हात परेको छ । चौथो हुने वालिङ नगरपालिकाले ३ लाख रुपैयाँ हात पारेको छ ।

फेयर प्ले अवार्ड जित्न सफल चन्द्रपुर नगरपालिकाले १ लाख ५० हजार रुपैयाँ प्राप्त गरेको छ । त्यसैगरी विधागत उत्कृष्ट खेलाडीहरुले बेस्ट प्लेअर लिम्बुले स्कुटर र अन्य सबैले जनही ५० हजार हात परेका छन् ।