इलाम । नेपाल पत्रकार महासंघको आसन्न निर्बाचनको लागि इलाममा अध्यक्ष पदका लागि दुई जना र सचिव पदका लागि एक जनाले उम्मेद्वारी घोषणा गरेका छन् ।
नेपाल प्रेस युनियन र प्रेस मञ्च नेपालको संयुक्त प्यानलबाट युनियनका अध्यक्ष बिप्लब भटराईले अध्यक्षमा उम्मेद्वारी घोषणा गरेका छन् । भट्टराईले करिब डेढ महिना अघि नै संगठनको तर्फबाट उम्मेद्वारी घोषणा गरेर चुनावी अभियानमा जुटेका थिए ।
अघिल्लो शनिबार अर्को संगठन प्रेस मञ्च नेपालसँग कार्यगत एकता गरि दुवै संगठनको तर्फबाट अध्यक्षको संयुक्त उम्मेद्वारी भएका हुन् । भट्टराई कान्तिपुर मिडिया ग्रुपमा आवद्ध छन् । उनी प्रेस युनियन इलामका अध्यक्ष हुन् । तर भट्टराईले पत्रकार महासंघको अध्यक्ष पदमा उम्मेद्वारी घोषणा गरेपछि तत्कालिन उपाध्यक्ष सविता पाण्डेलाई कार्यवाहक अध्यक्षको जिम्मेवारी दिइसकेका छन् र
त्यसैगरी महासंघको अध्यक्ष पदमा प्रेस संगठन नेपाल (प्रचण्ड–माधव) बाट सुजन तिम्सिनाको उम्मेद्वारी घोषणा गरेका छन् । प्रेस संगठन इलामको विहीबार इलाममा भएको भेलाले आगामी निर्वाचनमा अध्यक्ष पदको लागि तिम्सिनालाई उम्मेद्वार बनाउने निर्णय गरेको छ ।
तिम्सिना नेपाल टेलिभिजनका इलाम संवाददता हुन् । पार्टी विभाजन अघि प्रेस संगठन इलामका संयोजक रहेका तिम्सिना हाल पार्टी विभाजनसँगै संगठन पनि विभाजन भएपछि प्रदेश १ सचिवको जिम्मेवारी पाएका छन् ।
पत्रकार महासंघको सचिव पदमा भने हालसम्म एक जनाको मात्र उम्मेद्वारी घोषणा भएको छ । नेपाल प्रेस युनियन र प्रेस मञ्च नेपालको संयुक्त प्यानलबाट मञ्चका केन्द्रीय सदस्य राम योङहाङले सचिव पदमा उम्मेद्वारी घोषणा गरेका छन् । योङहाङले पनि दुई साता अघि नै संगठनको तर्फबाट सचिवमा उम्मेद्वारी घोषणा गरेर चुनावी अभियानमा जुटेका थिए । उनी अघिल्लो शनिबार अर्को संगठन नेपाल प्रेस युनियनसँग कार्यगत एकता गरि दुवै संगठनको तर्फबाट सचिवको संयुक्त उम्मेद्वारी भएका हुन् ।
योङहाङ इलामबाट संचालित नयाँ बुलन्द डटकमका सम्पादक र काठमाडौंबाट प्रकाशित सौर्य राष्ट्रिय दैनिकका इलाम संवाददता हुन् । उनी नेपाल आदिवासी जनजाति पत्रकार महासंघ (फोनिज) इलामका अध्यक्ष समेत हुन् ।
प्रधानमन्त्री केपी ओली निकटका प्रेस संगठनले भने हालसम्म कुनै पदमा उम्मेद्वारी घोषणा गर्न सकेको छैन ।
इलाममा सत्तारुढ नेपाल कम्युनिष्ट पार्टी (नेकपा) का विभाजित प्रेस संगठन नेपालका दुई समूह, नेपाली कांग्रेस निकट प्रेस युनियन र जनता समाजवादी पार्टी नेपाल निकट प्रेस मञ्च नेपाल क्रियाशील छन् ।
काठमाडौं, १२ वैशाख । सरकारले काठमाडौं उपत्यकाका विभिन्न स्थान अतिक्रमण गरि बसोबास गरेका सुकुम्बासी बस्तीहरु आजबाट खाली गर्न शुरु गरेको छमना । बाग्मती नदी लगायत खोला किनार, जोखिमपूर्ण सार्वजनिक र सरकारी जग्गामा अतिक्रमण गरि बनाइएका...
बसन्तराज सुब्बा, केर्खाबजार, झापा । “युवाको प्रतिवद्धता, लागु औषध दुव्र्यसनी मुक्त कमल गाउँपालिका” भन्ने नाराक साथ कमल युथ फाउन्डेशनको आयोजनामा मिनी म्याराथन प्रतियोगिता सम्पन्न भएको छ । झापाको कलमस्थित केर्खाजारमा नयाँ बर्षको अवसरमा वैशाख १...
दमक । सेवा प्रवाहलाई थप पारदर्शी र प्रभावकारी बनाउने उद्देश्यले इलामको माङसेबुङ गाउँपालिकाले सोमबार सार्वजनिक सुनुवाइ कार्यक्रम आयोजना गरेको छ । गाउँ कार्यपालिकाको कार्यालय इभाङको प्राङ्गणमा चालु आर्थिक वर्ष २०८२/०८३ को पहिलो सार्वजनिक सुनुवाइ कार्यक्रम...
ललितपुर । पापोहाङ लाओती सयङ उपत्यका समिति गठन भएको छ । शनिबार ललितपुरस्थित सानो हात्तिवनमा क्षितिज लाओतीको अध्यक्षतामा नयाँ समिति गठन भएको हो । ताम्भुङ् चाँ, साक्मुरा वादेम्मा तथा सांस्कृतिक कार्यक्रममा पुरानो समिति भङ्ग गरि...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७