लिम्बुवानखबर। दमक मोवाइल व्यवसायी संघले ताप्लेजुङ, दोभानका अग्नीपीडित परिवारको सहयोगका लागि ५ हजार उपलव्ध गराएको छ ।

अग्नीपीडित परिवारका लागि राहत जुटाउन उद्देश्यले सञ्चालित दमक–ताप्लेजुङ सम्पर्क मञ्चलाई उक्त नगद सहयोग उपलव्ध गराईएको संघका अध्यक्ष भेनस श्रेष्ठले जानकारी दिए । संघको टोलीले बुधबार मञ्चका अध्यक्ष समेत रहेका दमक ७ का वडाध्यक्ष भिमप्रसाद पौडेललाई भेटेर सो सहयोग दिएका हुन् ।

अग्नीपीडितलाई नगद राहत अभियान जुटाउन मञ्चले आफना सदस्य केन्द्रवहादुर प्रसाईको संयोजकत्वमा आर्थिक समिति गठन गरि नगद संकलन अभियान तीव्र पारिएको छ । अभियान टोलीले शनिवार घटनास्थलमा नै पुगेर नगद राहत उपलव्ध गराउने तयारी गरिएको प्रचार संयोजक विष्णु पौडेलले बताएका छन् ।

यसैगरि मोवाइल व्यवसायी संघले आफनो स्थापना दिवस (फागुन १४)को अवसर पारेर बर्सेनी स्थानीय एक जना सञ्चारकर्मीलाई नगदसहित पुरस्कृत गर्ने समेत निर्णय भएको संघका सह–सचिव दिपेश दाहालले वताएका छन् । आगामी वर्षदेखि संघको हरेक गतिविधिलाई सञ्चारमाध्यमसम्म सूचना प्रवाह गरि योगदान पुरयाँउने एक जना सञ्चारकर्मीलाई नगद रु ५ हजार र सम्मानपत्र सहित पुरस्कृत गरिने उनले जनाए ।