फाकफोकथुम। इलामको फाकफोकथुमको लिम्बुगाउँ फुएतप्पामा जारी अध्यक्ष कप फूटबलको अन्तिम क्वाटरफाइनल खेल आज सम्पन्न भएको छ ।

योङ बोइज एफसी नेपालटार र गजरमुखी पर्यटन विकास बोर्ड माङ्सेबुङ बिचको खेलसँगै क्वाटरफाइनल खेलहरु सकिएको हो ।

आज सम्पन्न अन्तिम क्वाटर फाइनल खेलमा योङ बोइज एफसीले ३ का विरुद्ध ० गोल अन्तरले गजरमुखीलाई हराएको हो । भोली आइतबारबाट सेमी फाइनल खेल शुरु हुने खेल आयोजक दिपक लिम्बुले बताए । उनका अनुसार भोलिको पहिलो सेमिफाइनल खेल आयोजक फुङ्वा यूवा क्लबका विरुद्ध माहाभारा एफसी कुरुम्बा बिच हुनेछ ।

गाउँपालिकाको आर्थिक सवलिकरणमा भईरहेको उक्त खेलको फाइनल खेल आगामी बैशाख १ गते सम्पन्न हुने अध्यक्ष फुर्सद लिम्बुले बताए । नयाँ बर्षको दिन वैशाख १ गते साँझमा बृहत सांस्कृतिक कार्यक्रम समेत गरिने लिम्बुले बताएका छन् ।