काठमाडौं । काठमाडौंको दशरथ रंगशालामा जारी नेपाल सुपर लिग (एनएसएल) फूटबलको लिग चरणको अन्तिम खेल हुँदैछ । आज हुने अन्तिम खेलसँगै क्वालिफायर खेल शुरुहुने छ ।

शनिबार भएका दुई खेलमा ललितपुरले विराटनगर सिटी एफसीलाई ४–० गोल हराउँदै र बुटवल लुम्बिनी एफसीले धनगढी एफसीलाई १–० गोलअन्तरले पराजित गर्दै लिगको शिर्ष चार स्थानमा दुवै क्लव सुरक्षित भएका हुन् ।

कोरोना महामारीका बिच चालू प्रतियोगितामा विना दर्शक भईरहेको प्रतियोगितालाई एपी १ टेलिभिजनले प्रत्यक्ष प्रशारण गरिरहेको छ ।

खुकुरी नेपाल सुपर लिगमा ७ वटा क्लबहरु काठमाठौं रेजर्स एफसी, विराटनगर सिटी एफसी, धनगढी एफसी, ललितपुर सिटी एफसी, बुटवल लुम्बिनी एफसी, पोखरा थण्डर एफसी र एफसी चितवन सम्मिलित छन् । उक्त खेलमा शिर्ष चार स्थानमा सुरक्षित क्लबहरु क्वालिफायरमा पुगेका छन् भने बाँकी तीन क्लब घर फर्कने छन् । काठमाडौं रेजर्स यस अघि नै क्वालिफायरमा पुगिसकेको छ । एफसी चितवन अंकतालिकको पुच्छरमा रहेको छ ।

अब पहिलो क्वालिफायरमा धनगढी एफसी र काठमाडौं रेजर्स एफसी त्यसैगरी ललितपुर सिटी एफसी र बुटवल लुम्बिनी एफसी दोस्रो क्वालिफायरमा खेल्ने छन् । आज चितवन एफसीले काठमाडौंलाई हराए पनि घर फर्कने छ त्यसैगरी विराटनगर सिटी, वुटवल लुम्बिनी र पोखरा थण्डर्सले पनि लिगचरणमा चित्त बुझाएर घर फर्किने छन् ।

(तस्वीरः एनएसएलकाे अफिसियल फेसबुक पेजबाट)