मोरङ, ९ साउन । मोरङ बिराटनगर १७ मटेरुवा चोक स्थितबाट भारतिय र अमेरिकी डलर सहित २ जना भारतिय नागरिकलाई पक्राउ गरेको छ ।

जिल्ला प्रहरी कार्यालय मोरङबाट खटिएको प्रहरी टोलीले भारत उत्तर प्रदेश लखनउ का ३४ बर्षीय अतुल कुमार र ३५ बर्षीय सन्दिप सिंह रोयलाई पक्राउ गरेको हो ।

शुक्रबार दिउँसो १ बजे भारतबाट नेपाल तर्फ आउदै गरेका उनिहरुको साथबाट चोकजाँचको क्रममा अतुलको साथबाट भारतिय नोट ५०० को २०० थान १ लाख र सन्दिपको साथबाट भारतिय नोट ५०० को २१७ थान १ लाख ८ हजार ५ सय, अमेरिकन नोट १०० को २१ थान, २० को ५ थान, १० को १ थान, र १ को ४ थान सहित दुबै जनालाई प्रहरीले नियन्त्रणमा लिएको छ ।

थप अनुसन्धान सहित आवश्यक कारबाहीको लागी आन्तरिक राजश्व कार्यालय ईटहरीमा पठाईएको १ नम्बर प्रहरी प्रदेश कार्यालय विराटनगरले जनाएको छ । (तस्वीरः १ नम्बर प्रदेश प्रहरी कार्यालय, विराटनगरकाे फेसबुक पेजबाट)