दमक, २२ कार्तिक–संघीय सरकारका स्वास्थ्य तथा जनसंख्या राज्यमन्त्री भवानी खापुङले झापाको दमकस्थित दमक अस्पताल र आम्दा अस्पतालमा निरीक्षण गर्नुभएको छ । नेकपा (एकीकृत समाजवादी) का केन्द्रीय सदस्य समेत रहनुभएका स्वास्थ्य तथा जनसंख्या राज्यमन्त्री खापुङले दमक अस्पताल र आम्दा अस्पतालको निरीक्षण पश्चात सरोकारवालासँग छलफल गर्नुभएको छ ।
नेकपा (एकीकृत समाजवादी) दमक नगर कमिटीका अध्यक्ष महेश घिमिरेका अनुसार मन्त्री खापुङले अस्पतालको अवस्था र त्यसको क्षमता अभिबृद्धि लगायत नागरिकको स्वास्थ्य सेवामा गर्ने विभिद पक्षको बारेमा जानकारी लिएका थिए । दमकमा एक मात्र सरकारी अस्पताल दमक अस्पताल र आम्दा अस्पतालको अस्पतालद्वारा सञ्चालन गरिरहेको सेवा र गुणस्तरीयता सम्बन्धी अस्पतालको प्रविधि र समस्याहरुको सम्बोधन गर्ने बारेमा दमकका राजनीति दल, सामाजिक संघसंस्था, जनप्रतिनिधि र अन्य सरोकारवालाहरुसँग छलफल गरिएको एकीकृत समाजवादी दमक नगर अध्यक्ष घिमिरेले जानकारी दिए ।
गृह जिल्ला तेह्रथुमको कार्यक्रम पश्चात काठमाण्डौंतर्फ फकिर्ने क्रममा मन्त्री खापुङले दमकको अस्पताल र स्थानीय नेता–कार्याकर्ताहरु भेटघाटको क्रममा दमक आइपुगेका हुन् । नेकपा (एकीकृत समाजवादी) का केन्द्रीय सदस्य एबम् झापा इन्चार्ज इन्द्रबहादुर बुडाथोकीको अनुसार कार्याकर्ता भेटघाटको क्रममा मन्त्री खापुङ दमक आउनुभएको बताए ।
एकीकृत समाववादीको दमक नगर कमिटीको कार्यालय देबकोटा चौकस्थित सिद्धी मार्केटमा आयोजित संक्षिप्त भेटघाट कार्यक्रममा मन्त्री खापुङले स्वास्थ्य क्षेत्रमा सुधार गर्नुपर्ने विषयमा दमकका राजनीति अगुवाहरुसँग अन्तरक्रिया गर्नुभएको नेकपा (एकीकृत समाजवादी) झापाका नेता हरिकृष्ण पौडेलले जानकारी गराए ।
सो क्रममा संयुत्त गठबन्धन दलहरु नेकपा (एकीकृत समाजवादी) दमक नगर कमिटी, नेपाली कांगेस दमक नगर समिति, नेकपा (माओवादी केन्द्र) दमक नगर कमिटी, जनता समाजवादी पार्टी, नेकपा माले दमक नगर कमिटी, राष्ट्रिय प्रजातन्त्र पार्टी दमक नगर समिति लगायतका राजनीति दलको तर्फबाट दमक अस्पताल र आम्दा अस्पतालको गुणस्तरीय सेवा लगायत स्वास्थ्य वीमा मार्फत सेवाग्राहीले पाइरहेको झन्झटिलो प्रकृया लगायतको ध्यानाकार्षण सहित संयुक्त ज्ञापन पत्र बुझाएका थिए ।
कार्यक्रममा नेकपा (एकीकृत समाजवादी) दमक नगर अध्यक्ष महेश घिमिरेको अध्यक्षतामा कार्यक्रम भएको थियो । कार्यक्रममा पार्टीका केन्द्रीय सदस्य तथा झापा जिल्ला इन्चार्ज इन्द्र बहादुर बुडाथोकीको उपस्थिति रहेको थियो ।
त्यस्तैं, नेपाली कांग्रेस दमक नगर सभापति प्रकाश प्रसाई, नेकपा (माओवादी केन्द्र) दमक अध्यक्ष तिर्थराज बस्नेत, जनता समाजवादी पार्टीका केन्द्रीय सदस्य देउकुमार नेम्बाङ, सशस्त्र प्रहरी बलका पूर्व एसएसपी तथा नेकपा (एकीकृत समाजवादी) का नेता भरतबाबु कार्की, नेपाली कांग्रेसका नेता सुरेश लिम्बू, नेकपा (माओवादी केन्द्र) का नेता गगन पुरी लगायतको सहभागिता थियो ।
ललितपुर, २१ पुष । ताप्लेजुङस्थित पवित्र धार्मिक तथा पर्यटकीय स्थल मुक्कुमलुङ संरक्षणका लागि पुनः आन्दोलन घोषणा गरिएको छ । विगत ६ बर्षदेखि आन्दोलनरत संघ संगठनहरुले पुनः संरक्षणको लागि आन्दोलन घोषणा गरेका हुन् । लामो समयदेखि...
झापाको दमकमा सम्पन्न मैत्रीपूर्ण फुटसल प्रतियोगिता २०८२ को उपाधि रोटरी क्लब अफ दमकले जितेको छ । पत्रकार मञ्च दमकको आयोजनामा पुष २१ गते आयोजित एक दिने प्रतियोगिताको फाइनल खेलमा कदम थिएटर दमकलाई ७–१ गोल अन्तरले हराउदै रोटरी च्याम्पियन बनेको हो । विजेता टिमले सेमिफाइनल खेलमा दमक नगर कर्मचारीलाई हराएको थियो भने कदमले आयोजक पत्रकार मञ्च दमक (निलो) लाई हराउदै फाइनल प्रवेश गरेको थियो । यसैगरी व्यक्तिगत विधातर्फ उत्कृष्ट गोलकिपर रोटरीका विसु राई चुनिदा, उत्कृष्ट खेलाडीको उपाधि कदमका दिपेश मगरले हात पारे । त्यस्तै प्रतियोगिता भरी ५ गोल गरेका रोटरीका सावन अधिकारीले हाइ स्कोररको पुरस्कार प्राप्त गरे । प्रतियोगिताको विजेताले नगद १५ हजार रुपैयाँ सहित ट्रफि मेडल र प्रमाणपत्र प्राप्त गरे भने उपविजेताले नगद १० हजार रुपैयाँ सहित ट्रफि मेडल र प्रमाणपत्रमा चित्त बुझाए । विजेता खेलाडीहरुलाई मञ्चका अध्यक्ष कमन देवान, औपचारिक कार्यक्रमका प्रमुख अतिथि दमक ९ का वडा अध्यक्ष कुबेर भट्टराई, अतिथिहरु इलाका प्रहरी कार्यलय दमकका प्रहरी निरीक्षक नवीन राई, विधा लक्ष्मी स्कुल दमक ४ का प्रधानाध्यापक भूपाल काफ्ले, दमकका युवा व्यवसायी रवि बस्नेत लगायतले पुरस्कार वितरण गरेका थिए । पत्रकार मञ्च दमकको आयोजनामा भएको प्रतियोगितामा दमक नगरपालिका, उधोग वाणिज्य संघ दमक, रोटरी क्लब अफ दमक, कदम थिएटर दमक, लायन्स क्लब अफ दमक, दमक जेसिस सहित राजनैतिक दलकाे सहभागिता रहेकाे थियाे । तस्वीरः सजन राई
जेनजी आन्दोलनको घटना छानबिनका लागि गठन भएको जाँचबुझ आयोगले तत्कालीन प्रधानमन्त्री केपी शर्मा ओलीलाई बयानका लागि पत्र पठाएको छ। आयोगले तत्कालीन गृहमन्त्री रमेश लेखकसँग बयान लिइसकेपछि पूर्वन्यायाधीश गौरीबहादुर कार्की नेतृत्वको आयोगले ओलीलाई पत्र पठाएको हो। आयोगले यसअघि...
ललितपुर, १२ पौष । उज्यालो नेपाल पार्टीको ताप्लेजुङ जिल्ला तदर्थ समिति गठन गरिएको छ । शनिबार पार्टीको केन्द्रीय सदस्य प्रा.डा.महेन्द्र लावतीको प्रमुख आतिथ्यतामा फुङलिङमा आयोजित एक कार्यक्रमले प्रदिप मादेन ‘नानी’को अध्यक्षतामा २९ सदस्यीय तदर्थ समिति...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७