पथरीशनिश्चरे, १७ माघ । किरात याक्थुङ चुम्लुङ पथरीशनिश्चरे नगरको तेस्रो अधिवेशन सम्पन्न भएको छ । आज सिरीजंगा धार्मिक बनमा आयोजित कार्यक्रमले बिक्रम लिम्बुको अध्यक्षतामा १७ सदस्यीय समिति सर्वसहमत चयन गरेको हो ।

आज(सोमबार) आयोजित अधिवेशनले लिम्बुवको अध्यक्षतामा गठित समितिको उपाध्यक्षमा गणेश थक्लुङ, सचिवमा धनप्रसाद साँबा, सहसचिवमा भरत खजुम र कोषाध्यक्षमा गंगामाया मादेनलाई निर्वाचित गरेको छ । त्यसैगरी सदस्यहरुमा सुजन साँवा, कोपिला लिम्बू, छत्र लिम्बू, वकिलमान थेबे, अजय लिम्बु, भक्तबहादुर जवेगु, सुमित्रा थाङदेन, सुरज लिम्बु, गणेश लिभाङ, छत्र सेरेङ, सुरन्ता लिम्बु सर्वसहमत चयन भएका छन् ।

उद्घाटन कार्यक्रम पथरीशनिश्चरे नगर प्रमुख दिलिपकुमार राईको प्रमुख आतिथ्यमा भएको थियो । नगर प्रमुख राईले शुभकामना दिदै लिम्बु भाषा विकासको लागि विभिन्न विद्यालय भाषामा पढाइ भइरहेको प्रसंग उल्लेख गरे । नगरमा राई, लिम्बु, संस्कृत लगायतको भाषा विकासको लागि नगरले सुरु गरेको कार्यक्रम स्थानीय तहको आउने अर्को सरकारले समेत बन्द गर्न नमिल्ने बताए । नगर प्रमुख राईले नगरमा रहेका भूमिहिन सुकुम्बासीहरुलाई तत्काल जग्गा वितरणको लागि प्रकृया अघि बढाइन बताए ।

नगर १० नम्बर वडा सदस्य अनोज घिमिरे, कियाचु मोरङ जिल्ला अध्यक्ष बिबेक लिम्बू लगायतको उपस्थिति रहेको कार्यक्रममा चियाचु केन्द्रीय सदस्य खिनामाया लिम्बू, १ नम्बर प्रदेश समिति सदस्य सन्तोष सेरेङ, राष्ट्रिय परिषद सदस्य फिपराज बेघा, फोनिज १ नम्बर प्रदेश निवर्तमान अध्यक्ष अर्जुन जम्नेली राई, कियाचु नगर पूर्व पदाधिकारी देवेन्द्र वनेम, गणेश थक्लुङ लगायतले शुभकामना मन्तव्य दिएका थिए ।

बक्ताहरुले १ नम्बर प्रदेशको नाम पहिलाचको आधारमा किरात लिम्बुवान वा लिम्बुवान किरात जोड गर्नुपर्ने बताएका थिए । गएको निर्वाचनमा पथरीशनिश्चरे नगरमा आदिबासी जनजाति संग्राहलय निर्माण गर्ने आश्वासन दिएन नबनाएको चर्चा चलेको थियो । कियाचु लगायतका सामाजिक संस्थाहरुले किरात सिरिजंगा लिपीलाई साझा रुपमा प्रयोग गर्ने निर्णय भएकोले सबै मिलेर प्रयोगमा ल्याउनु पर्ने बक्ताहरुले बताएका थिए ।