चुलाचुली, ११ फागुन । संघीय लोकतान्त्रिक राष्ट्रिय मञ्च अन्तर्गतको लिम्बुवान प्रान्तीय मञ्च, नेपाल चुलाचुली गाउँपालिकाले वडा अधिवेशनलाई तिव्रता दिएको छ । चुलाचुली पालिकाले मञ्चका संघीय सह–सचिव चौकीदार तामाङको प्रमुख आतिथ्यतामा चुलाचुली ३, ४ र ५ को वडाअधिवेशन संयुक्त रुपमा मंगलबार गरेको हो ।

संघीय लिम्बुवान प्रान्तीय मञ्च, नेपाल चुलाचुली वडा नं. ३ को अध्यक्षमा रत्न कुमार खवास निर्वाचित भएका छन् । त्यसैगरी समितिको उपाध्यक्षमा विष्णुकुमार राई, सचिवमा मन कुमार कुलुङ, अर्थसचिवमा ऋषि राई चयन भएका छन् भने सदस्यहरुमा लक्ष्मण राई, बुद्ध साउदेन, अमृता सुब्बा लावती, सुकमान आङथुपो, दिपक राई, सन्तोष राई, लोचन फागो, दिपेन राई, विजय नोवाङ, कृष्ण राई र सुनिल राई बनेका छन् ।

त्यसैगरी वडा नं. ४ को अध्यक्षमा रामकुमार योगीको अध्यक्षतामा १२ सदस्यीय वडा समिति गठन भएको छ । समितिको उपाध्यक्षहरुमा बुद्धिमाया केरुङ र जीवन तामाङ, सचिव मंगल बहादुर केरुङ, सह–सचिवमा शुक बहादुर तुम्रोक र अर्थसचिवमा कुल बहादु आङथुपो चयन भएका छन् । यसरी नै समितिको सदस्यहरुमा मतिहाङ केरुङ, घनेन्द्र केरुङ, लाल बहादुर सुनुवार, विर्ख बहादुर लिम्बु, खडक बहादुर तुम्रोक र ललिता हिङमाङ रहेका छन् ।

यसरी नै लिम्बुवान प्रान्तीय मञ्च चुलाचुली वडा नं. ५ को अध्यक्षमा शान्तिराज राई चयन भएका छन् । समितिमा उपाध्यक्ष सरस्वती योङहाङ, सचिवमा राज फागो, सह–सचिवमा कोपिला तामाङ र अर्थ सचिवमा सुमीत्रा फागोलाई जिम्मेवारी दिइएको छ । यसरी नै समितिको सदस्यहरुमा ववराज तामाङ, अर्विन योङया, आइतरानी लिम्बु, जुनु लिम्बु, सुसन फागो, धनबहादुर चेम्जोङ, लिलारुपा राई र बिना तुम्रोक चयन भएका छन् ।

मंगलबार संयुक्त वडा अधिवेशन कार्यक्रममा मञ्चका प्रान्तीय सचिवालय सदस्य तथा चुलाचुली १ का वडाध्यक्ष पूर्ण लावती (ध्रुव), लिम्बुवान भोलेन्टियर्सका केन्द्रीय सिनियर कमाण्डर हाइजन आङथुपो, जिल्ला इलामका अध्यक्ष विपिन योङया लगायत नेताहरुले शुभकामना मन्तव्य राखेर नव निर्वाचित तिन वटै वडाका नेताहरुलाई बधाई दिएका थिए ।