धरमपुर, २४ जेठ । झापा शिवसताक्षी १ धरमपुर निवासी स्व.अटल बहादुर चेम्जोङको सम्झनामा प्रतिष्ठान स्थापना गरिएको छ ।
उनकै निजी निवासमा हालै सम्पन्न परिवार तथा स्थानीय सामाजिक अगुवाहरुको भेलाले हेमबहादुर चेम्जोङको अध्यक्षतामा ११ सदस्यीय अटल बहादुर चेम्जोङ स्मृति प्रतिष्ठान स्थापना गरिएको छ ।
गठित तदर्थ समिति समितिको उपाध्यक्ष महेन्द्र कुमार चेम्जोङ, सचिवमा सेसेहाङ फियाक, सहसचिवमा सइन्द्र चेम्जोङ, कोषाध्यक्षमा रविन्द्र चेम्जोङ र सदस्यमा मनकुमारी सुब्बा, स्वस्तिका चेम्जोङ, दिलु नेम्बाङ, नर्मला चेम्जोङ, शुसिला चेम्जोङ र सरस्वती चेम्जोङ रहेका छन् ।
भेलाले प्रतिष्ठानको तर्दथ समिति गठन गर्नुका साथै दर्ता प्रकृया सम्पन्न गरि प्रतिष्ठानलाई औपचारिक रुपमा सार्वजनिक गरिने प्रतिष्ठानका सहसचिव समेत रहेका स्व.चेम्जोङका साइँला छोरा सइन्द्र चेम्जोङले बताए ।
पान्थर जिल्लाको तत्कालिन चिलिङ्देन गाउँ पञ्चायतका पूर्व उप–प्रधानपञ्च स्व चेम्जोङको गत जेठ १ गते धरानमा उपचारका क्रममा निधन भएको हो । समाजसेवी स्व. चेम्जोङको एक श्रीमती, ५ छोरा र ४ छोरी छन् ।