दमक, १२ माघ । किरात याक्थुङ चुम्लुङ दमक नगर समितिको आयोजनामा येले तङ्बे ५०८५ तथा कक्फेवा तङनामको अवसरमा शुक्रबार ताम्भुङचा थिम्बे बनभोज कार्यक्रम आयोजना गरेको छ ।
झापा र इलामको संगम चुलाचुली ५ चपेटीस्थित बनभोजस्थलमा सयौंको उपस्थितिमा भव्य भएको सम्पन्न भएको कियाचु दमकका नगर अध्यक्ष देवेन्द्र चेम्जोङले बताउनु भयो ।
कियाचु दमकको आयोजनामा भएको उक्त कार्यक्रममा दमकका याक्थुङबाहरुको बाक्लो उपस्थिति रहेको थियो भने छिमेकी पालिका कमल, चुलाचुली लगायतबाट पनि कार्यक्रममा सहभागी भएको अध्यक्ष चेम्जोङले बताउनु भयो । कियाचु संघीय सदस्यहरु, प्रदेश समिति, झापा जिल्ला समिति लगायतका कियाचु प्रतिनिधिहरुपनि ताम्भुङचा थिम्बेमा सहभागी भएको वहाँले बताउनु भयो ।
ताम्भुङचा कार्यक्रममा धान नाँच, ख्याली, हाक्पारे, पःलुङ, डोरी तान्ने लगायत विविध सांगीतिक प्रस्तुतीहरु सहित कार्यक्रम सम्पन्न भएको कियाचु दमकले जनाएको छ ।