मिक्लाजुङ, १३ चैत्र । मुक्कुमलुङमा नो केवलकार आन्दोलनको क्रममा प्रहरीले छातिमा गोली हानेर घाइते बनाएका सगुन लाओतीसहित दुई जना सम्मानित भएका छन् ।
पहिचान सहितको प्रदेश नं. १ पुन नामाङकन अभियान समिति मिक्लाजुङ पाँचथर गाउँ समितिले सांस्कृतिक योद्धाको रुपमा ताम्रापत्र र नगदले सम्मान गरेको हो ।
नो केवलकार आन्दोलनको क्रममा सगुन लाओतीलाई २०८१ माघ १२ गते मुक्कुमलुङ बलुडाँडामा प्रहरीले चलाएको गोली छाँतिमा लागेर गम्भीर घाइते भएका थिए । घाइते लाओतीको धरानको वीपी अस्पताल, विराटनगरको नोबेलमा उपचार संभव नभएपछि सेनाकाे हेलिकम्पटरबाट काठमाडौंको टिचिङ अस्पतालमा पुर्याइ उपचार भएको थियो ।
लाओतीलाई सांस्कृतिक योद्धाको उपमा दिदै ताम्रापत्र र नगदले सम्मान गरेका छन् । अभियान समिति, किरात याक्थुङ पापोहाङ सयङ लगायतबाट डेढ लाख बढी नगद सहित सम्मानित गरिएकाे थियाे । यसैगरी सगुन लाओतीसँगै घाइते भएका मंगोल लाओतीलाई समेत नगद तथा ताम्रापत्र प्रदान गरिएको थियो ।
कार्यक्रमको प्रमुख अतिथि पहिचान सहितको प्रदेश नं. १ पुन नामाङकन अभियान समितिका संयाेजक डकेन्द्रसिंह थेगिमको हातबाट ताम्रापत्र प्रदान गरिएको थियो । कार्यक्रममा दुबै घाइतेका बुवाआमाहरूकाे उपस्थिति थियाे । सम्मानपत्र नेपाल जनमुक्ति पार्टी, पापोहाङ लाअाेती सयङ लगायतबाट पनि प्रदान भएको थियो ।
कार्यक्रममा संघीय लोकतान्त्रिक राष्ट्रिय मञ्चका अध्यक्ष कुमार लिङ्देन .(मिराक), किरात राई यायोक्खा केन्द्रीय कार्यसमितिका उपमहासचिव अर्जुन जम्नेली राई, नेपाल जनमुक्ति पार्टीका उपाध्यक्ष भक्त लिम्बू, संविधानसभा सदस्य राजकुमार नाल्बो, पहिचानवादी मोर्चाका केन्द्रीय सदस्य केदार धिमाल, नेपाल आदिबासी जनजाति महासंघ पाँचथरका अध्यक्ष सागर केरुङ लगायतले विचार राखेका थिए ।
आयोजक संस्थाका अध्यक्ष पूर्ण लाओतीको अध्यक्षतामा भएको कार्यक्रमका वक्ताहरुले मुक्कुमलुङमा केवलकार, प्रदेशको नाम कोशी खारेजी नभएसम्म आन्दोलन जारी रहने बताए ।
चन्द्र ढकालको हण्डि खाएका प्रधानमन्त्री केपी ओली र सांसद योगेश भट्टराईले मानिसलाई गोली प्रहार गरेर मार्न चाहेपनि आन्दोलन नरोकिने उनीहरूले बताए । पहिचानवादी सँधै संघीय गणतन्त्रको पक्षमा रहने बताउदै चैत्र २४ गतेदेखि हुने आमहड्ताको कार्यक्रम सफल बनाउन लाग्नुपर्ने बताएका छन् ।
घाइते सगुन लावतीले सबै पहिचानवादी एक हुनु पर्ने वताएका छन् । साथै उनले पहिचान र मुक्तिकाेलागी अझै लड्ने बताएका छन् ।
दमक, ७ भदाैं । ताप्लेजुङस्थित मुक्कुम्लुङ साहित्य प्रतिष्ठान पुनर्गठन भएको छ । शनिबार संस्थाको प्रथम साधारण सभाले मनिष हेल्लोको अध्यक्षतामा १४ सदसीय कार्यसमिति निर्विरोध चयन गरेको हो । कार्यक्रमबाट प्रतिष्ठानको उपाध्यक्षहरूमा सीता पिरती , मणि सेम्बु...
दमक, ६ भदौं । झापा जिल्ला अन्तरर्गत किरात याक्थुङ चुम्लुङ अर्जुनधारा नगर तदर्थ समिति गठन भएको छ । शनिबार राजेश जवेगुको अध्यक्षतामा अर्जुनधारा नगर तदर्थ समिति गठन गरिएको हो । तदर्थ समितिको उपाध्यक्षमा पूर्णबहादुर लिङदेन,...
दमक। इलाम जिल्लाको चुलाचुली गाउँपालिकाले स्थानीय तहबाटै भूमि प्रशासनसम्बन्धी सेवा सुरु गरेको छ । बिहीबार गाउँपालिले एक विशेष समारोहको आयोजना गर्दै इलाम सदरमुकामस्थित भूमि प्रशासन तथा नापी कार्यालयबाट प्रवाह हुँदै आएको सेवा गाउँपालिकाबाट शुरु भएको...
दमक, ३० भदौं । याक्थुङ मुन्चइत चोक सयङले आफ्नो १७औं स्थापना दिवस मनाएको छ । शनिबार किरात याक्थुङ चुम्लुङको ललितपुरस्थित चुम्लुङहिमा सांस्कृतिक कार्यक्रमसहित आयोजना गरिएको हो । सयङको नेवाःताम्सालिङ प्रदेश समितिको आयोजनामा कियाचु संघीय अध्यक्ष...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७