माङसेबुङ । किरातीहरुको आस्थाको धरोहर इलाम माङ्सेबुङ्मा सक्रिय संस्था किरात साम्यो सक्थिमगेन मुजोत्लुङ पान्जुम्भोले किरत जागरण गीत ‘यो धर्तिमा’ भिडियो सार्वजनिक गरेको छ । यस संस्थाको गिती संग्रह ‘किरात स्पन्धन भाग–७’ मा संग्रहित किरात जागरण गीत ‘यो धर्तिमा’ भिडियोलाई आफ्नै यूट्युव च्यानलबाट सार्वजनिक गरिएको हो ।

डिबी लिङदम ‘सेसेमी’ को शव्दलाई गायक तथा संगीतकार लेखनाथ चेम्जोङको संगीतमा सजिएको गीत ‘यो धर्तिमा’ को भिडियो किरात साम्यो सक्थिमगेन पान्जुम्भोको आफैले निर्माण गरेको हो ।

लेखनाथ चेम्जोङ, आइन्द्र नेम्बाङ, अनिला आङदेम्बे, कौशिला खेवा, आइन्द्र थेगिम, बिरपन थेगिम, दिलिप माखिम, राजन बेघा र सुबास गुरुङ लगायत एक दर्जन गायकगायिकाहरुको कोरस आवज रहेको उक्त गीतको संगीत संयोजन तथा मिक्सिङ, मास्टरिङ राजु कार्कीले गरेका हुन् ।

काव्या रेकर्डिङ स्टुडियो दमक, झापा र किङग् स्टुडियो काठमाण्डौमा रेकर्डिङ गरिएको गीतलाई सुजन श्रेष्ठले सम्पादन गरेका हुन् भने भिडियो छायाँकन अनिस लावतीको रहेको छ । यस भिडियोलाई माङ्सेबुङ्को किरात धार्मिक पर्यटकीय स्थलको विभिन्न स्थानमा छायाँकन गरिएको छ ।

भिडियाे ……