धिमालहरुको छैठौं राष्ट्रिय महाधिवेशनको मन्त्री हिक्मत बहादुर कार्कीद्वारा उद्घाटन

 लिम्बुवान न्युज
                       

उर्लाबारी। मोरङ् उर्लाबारी दश विघेमा धिमाल जातीहरुको जातीय संस्था धिमाल जातीय विकास केन्द्रको छैटौं राष्ट्रिय महाधिवेशन आजबाट प्रारम्भ भएको छ । दुई दिनसम्म चल्ने महाधिवेशनको उद्घाटन प्रदेश नं. १ का आन्तरिक मामिला तथा कानून मन्त्री हिक्मत बहादुर कार्कीले गरेका हुन् ।

धिमाल जातीको पहिचान राष्ट्रको शान, धिमाल स्वायत्त क्षेत्र प्राप्ति हाम्रो अभियान मूल नारा दिईएको उक्त उद्घाटन शत्रमा नेपाल आदिवासी जनजाति महासंघका महासचिव नित्यानन्द ताजपुरियाले जातीय संस्थाहरु बिचको आपसी एकतालाई मजबुत बनाउँदै लानु पर्ने कुरामा जोड दिएका थिए । कार्यक्रममा पथरीशनिश्चरे नगरका प्रमुख दिलिप राई त्यसैगरी उर्लाबारी नगरका प्रमुख खड्ग फागोले समेत कार्यक्रमलाई बधाई तथा शुभकामना व्यक्त गरेका छन् ।

आजको उद्घाटन सत्र कार्यक्रममा विकास केन्द्रका सल्लाहकार संयोजक रामबहादुर धिमाल, सल्लाहकार मोहन धिमाल त्यसैगरी संस्थापक पृती धिमाल लगायतको उपस्थिति रहेको थियो । कार्यक्रम तेजबहादुर धिमालको अध्यक्षता र महासचिव केदार धिमालको संचालनमा उद्घाटन सत्र कार्यक्रम सम्पन्न भएको छ । उद्घाटन सत्रकै दिन आज धिमाल युवा तथा खेलकुद मञ्चले रक्तदान कार्यक्रम समेत गरेको छ ।

तस्वीरः केदार धिमालकाे फेसबुकबाट

 

सम्बन्धित समाचार

फाल्गुन १७ प्रदेश १ को अध्यारो दिन, १ बर्ष पुरा

दमक, १८ फाल्गुन । १ नम्बर प्रदेशको नामाङकन पहिचान नामेट हुनेगरी कोशी प्रदेश कायम गरिएको १७ फाल्गुनमा एक वर्ष पूरा भएको छ । गत वर्षको फागुन १७ गते प्रदेश १ को नाम प्रदेश सभाले चोरबाटोबाट...

दमकमा आजबाट दुई दिने याक्थुङ साम्लो महोत्सव हुँदै

दमक, १८ फाल्गुन । झापाको दमक ७ स्थित पशुहाटमा आज(शुक्रबार)बाट दुईदिने याक्थुङ साम्लो महोत्सव २०८० सुरु हुदैंछ । याक्थुङ् लिम्बू कलाकारहरुको गौरवशाली छाता संगठन फक्ताङलुङ साँस्कृतिक मञ्च केन्द्रीय कार्य समितिको आयोजनामा आज र भोलिसम्म सञ्चालन...

मनकुमार तुम्सा कियाचु जापानकाे अध्यक्षमा निर्वाचित

जापान । किरात याक्थुङ चुम्लुङ जापानको छैटौँ महाधिवेशन भव्यताका साथ सम्पन्न भएको छ। टोकियो ओकुबो स्थित काठमाडौँ लञ्च एण्ड बारमा सम्पन्न महाधिवेशनले मन कुमार तुम्साको नेतृत्वमा २५ सदस्यीय नयाँ कार्यसमिति चयन गरेको छ । कियाचु...

इतिहास सच्चाउन माग गर्दै फाेनिजकाे ७ दिने अल्टिमेटम

विर्तामाेड, झापा । नेपाल आदिवासी जनजाति पत्रकार महासंघ (फोनिज) झापा शाखाले नेपाल पत्रकार महासंघको संस्थापक अध्यक्ष सम्बन्धि गलत इतिहास सच्याउन माग गर्दै ७ दिने अल्टिमेटम दिएको छ । विभिन्न तथ्यका आधारमा नेपाल पत्रकार महासंघको संस्थापक अध्यक्ष...