संघीय मञ्चको धनगढीमा अन्तरक्रियासँगै संगठन विस्तार

 लिम्बुवान न्युज
                       

कैलाली। धनगढी उपमहानगरपालिकामा संघीय लोकतान्त्रिक राष्ट्रिय मञ्चले राजनीतिक भेटघाट साथै अन्तरक्रिया कार्यक्रम गरेको छ । मञ्चका संघीय अध्यक्ष कुमार लिङ्देन मिराकले सो कार्यक्रमको उद्घाटन गरेका छन् ।

कार्यक्रमलाई सम्बोधन गर्दै अध्यक्ष लिङ्देनले मञ्चको राजनैतिक अवधारणा अवधारणालाई स्पष्ट पार्दै देशलाई पूर्ण रुपमा परिवर्तन गर्न सबै जातीलाई राज्यले समान आँखाले हेर्नु पर्ने बताए । देशलाई संघीय आँखाले हेरेमा मात्र देशको मुहान फेर्न सकिन्छ । एउटा जाती र वर्गले मात्र देश चलाएमा त्यो देशमा भ्रष्टचार र द्वन्द्व बाहेक केही पनि हुन नसक्ने उनले बताए ।

अध्यक्ष लिङ्देनले देशमा दलित शिल्पी जाती माथिको जातीय विभेद र खश जातीहरुलाई खशआर्य क्लष्टरमा राखेर खशहरुलाई अधिकारबाट बन्चित गर्ने काम राज्यका नाइकेहरुले गरेको हुँदा त्यसको विरुद्ध संघीय मञ्च मेचीकाली अभियान लिएर धनगढी आइपुगेको बताउँनु हुँदै पहिचान सहितको १०+१ प्रान्त स्थापनाको निमित्त सम्पूर्ण जातीहरु एकजुट भएर लढ्नु पर्ने बताउनु भयो ।

मेचीकाली कार्यक्रम अन्तर्गत आजभएको अन्तरक्रिया कार्यक्रमलाई खसान संघर्ष समितिका उपाध्यक्ष रघुवीर सिंह ठगुन्नाले सहजीकरण गर्नुभएको थियो । मञ्चको अन्तरक्रिया कार्यक्रममा मञ्चले आगामी ४ बर्षे कार्यनीति अनुरुप पार्टी सञ्चालनको निमित्त बनाएको दस्तावेज राजनीतिक एजेण्डा समेत उक्त कार्यक्रममा वितरण गरेको छ ।

आज भएको राजनीतिक भेटघाट तथा अन्तरक्रिया कार्यक्रममा संघीय लोकतान्त्रिक राष्ट्रिय मञ्च धनगढी उपमहानगरको तदर्थ समिति समेत गठन भएको छ । वाजीराम रानाको संयोजकत्वमा गठित समितिको सदस्यहरुमा राकेश सेन, पुण्य सार्की, मानवीर सार्की, विक्रम ताम्राकार, नविन बि.क., अजय जैरु, विभा सिलाधर र रिंकु सिलाधार चयन भएका छन् ।

आजै संघीय थरुहट महिला मञ्च पनि गठन भएको छ । कसक राना थारुको संयोजकत्वमा सदस्यहरु गरिवा राना थारु, मनिशा चौधरी, सरस्वती चौधरी, गीता चौधरी र फूलवती चौधरी चयन भएका छन् । त्यसैगरी संघीय दलित शिल्पी महिला मञ्च धनगढी उपमहानगरपालिका समिति समेत गठन गरिएको मञ्चका संघीय सचिव इन्दीरा मेन्याङ्बोले बताइन् । ममता नेपालीको संयोजकत्वमा गठित समितिको सचिवमा सोनिया सिलाधर, सदस्यहरुमा क्रमशः रिहाना कुेरशी, लक्ष्मी सार्की, गौमती सार्की, सुनिता सार्की, शान्ती सेन, शोभा सेन, विभा शिलाधर रहेका छन् ।

मञ्चले मेचीकाली अभियान अन्तर्गत शनिबार धनगढीको ३ स्थान चिसापानी कर्णाली, बलचोर वादी वस्ती र लम्कीचुहा बजारमा पनि भेटघाट कार्यक्रम गरेको छ । मञ्चका संघीय सचिव शान्ता योङ्हाङ्ले सो कुरा जानकारी गरिन् । उनले उक्त भेटघाटमा स्थानीय थारु जाती, दलित शिल्पी र वादी समुदायका व्यक्तिहरुसँग छलफल भएको बताइन् ।

संघीय मञ्चको मेचीकाली अभियानमा अध्यक्ष लिङ्देनसँगै मञ्चका आर्थिक संयोजक विष्णु यक्सो, संघीय सचिवहरु शान्ता योङ्हाङ् र इन्दीरा मेन्याङ्बो, संघीय अर्थ सचिव दिपा लिम्बु आदाङ्मा, संघीय दलित शिल्पी मञ्चकी महासचिव शर्मिला वागचन्द, संघीय सदस्यहरु चन्द्र कन्दङ्वा लावासा, सुर्य लिम्बु लगायतका नेताहरु रहनु भएको छ ।

सम्बन्धित समाचार

प्रधानमन्त्री केपी ओली सहित नवनियुक्त मन्त्रीहरुले गरे पदभार ग्रहण

दमक, ३१ असार । नवनियुक्त मन्त्रीहरूले पदभार ग्रहण गरेका छन् । शितल निवासमा राष्ट्रपति समक्ष पद तथा गोपनीयताको शपथ लिएसँगै उनीहरूले आ–आफूले पाएका मन्त्रालयको जिम्मेवारी सम्हालेका हुन् । प्रधानमन्त्री केपी शर्मा ओलीले २२ सदस्यीय मन्त्रिपरिषद्...

प्रधानमन्त्री पुष्पकमल दाहाल प्रचण्ड पदमुक्त

ललितपुर, २८ असार । प्रधानमन्त्री पुष्पकमल दाहाल प्रचण्ड पदमुक्त भएका छन् । आज (शुक्रबार) प्रतिनिधिसभाले विश्वासको मत लिने प्रस्ताव बहुमतले अस्वीकृत गरेसँगै प्रधानमन्त्री प्रचण्ड पदमुक्त भएका हुन् । नेकपा एमालेले प्रचण्डलाई दिएको समर्थन फिर्ता लिएपछि...

ब्रविमले ल्याए सिसेक्पा तङनाम (भिडियाे सहित)

दमक, २८ असार । मुन्धुमी गायक ब्रविम सेर्माले आफ्नाे आवाजमा मुन्धुम साम्लो ‘सिसेक्पा तङनाम’ सार्वजनिक गरेका छन् । गितकार नेम खापुङको शव्द तथा लय संकलनमा मुन्धुम साम्लो ‘सिसेक्पा तङनाम’ को भिडियो आफ्नै युट्युव च्यानलबाट सार्वजनिक...

यूकेमा राष्ट्रिय पहिचान परिषद गठन

ललितपुर, २७ असार । बेलाय यूकेमा बसोबास गर्दै लामो समय लिम्बुवान र पहिचानको लागि सहकार्य गर्दै आएका यूकेबासीहरुले राष्ट्रिय पहिचान परिषद प्रवास समिति यूके गठन गरेका छन् । संघीय लोकतान्त्रिक राष्ट्रिय मञ्च र मञ्चको प्रवास...