युमा साम्यो जिल्ला शाखा पाँचथर अध्यक्षमा जकेन्द्र लावती

 लिम्बुवान न्युज
                       

फिदिम। युमा साम्यो महासभा नेपालले पाँचथर जिल्लामा संगठन विस्तार गरेको छ । फिदिममा आयोजित एक कार्यक्रममा कुम्मायकका सामाजिक व्यक्तित्व जकेन्द्र लावतीलाई अध्यक्ष चयन गर्दै महासभाको जिल्ला समिति गठन गरेको हो ।

युमा साम्यो महासभा नेपालका केन्द्रीय अध्यक्ष देबेन्द्रकुमार वनेमको प्रमुख आतिथ्यतामा भएको युमा धार्मिक एवं सांकृतिक अभियान कार्यक्रमले जकेन्द्र लावतीको अध्यक्षतामा २४ सदस्यीय जिल्ला शाखा समिति चयन गरेको छ । समितिको उपाध्यक्षमा हरिभक्त जबेगु, सचिवमा सन्तोष जबेगु, सह–सचिवमा ताराकुमार आङदेम्बे र कोषाध्यक्षमा प्रत्युस कुरुम्बाङ चयन भएका छन् ।

त्यसैगरी सदस्यहरुमा क्रमशः हिमाल कुरुम्बाङ, प्रेम सुहाङ, डिकधोज लावती, डिल्ली सिगु, चन्द्रप्रकाश माङ्मु, महेस कुमार फागो, नोगेन आङदेम्बे, क्षितिज चेम्जोङ, शक्ति केरूङ, रिवाज थाम्सुहाङ, लालअञ्जान सम्बाहाङफे, टेकेन्द्र चेम्जोङ, सुमित्रा चेम्जोङ र ध्वजबहादुर वनेम चयन भएका छन् । उक्त भेलाले सल्लाहकारमा लक्ष्मण लावती, हेमकेलाङ जबेगु, भक्तिप्रसाद नेम्बाङ र कर्मसिंह थाम्सुहाङ् चयन गरेको छ ।

युमा साम्योका अभियन्ता एवं शिक्षक हिमाल कुरुम्बाङको सकृयता एवं संयोजकत्वमा सम्पन्न उक्त भेलाले आगामी २०७८ को राष्ट्रिय जनगणनामा जातिको महलमा याक्थुङ लिम्बू, पुख्र्यौली र मातृभाषाको महलमा याक्थुङ र धर्मको महलमा युमा धर्म लेख्ने लेखाउने प्रस्ताव समेत पारित गर्दै जिल्लाको सबै पालिकाहरुमा अभियानको रुपमा संचालन गर्ने बताइएको छ ।

कार्यक्रममा संस्थाका केन्द्रीय सदस्य तथा शुभचिन्तकहरू चित्र फागो वनेम, योबाहाङ तुम्बाहाङफे, डुक वनेम, बुद्धि चोङबाङ र सल्लाहकार आरबी पालुङ्वा लगायत बुद्धिजिवीहरुको समेत उपस्थिति रहेको थियो ।

 

सम्बन्धित समाचार

प्रधानमन्त्री केपी ओली सहित नवनियुक्त मन्त्रीहरुले गरे पदभार ग्रहण

दमक, ३१ असार । नवनियुक्त मन्त्रीहरूले पदभार ग्रहण गरेका छन् । शितल निवासमा राष्ट्रपति समक्ष पद तथा गोपनीयताको शपथ लिएसँगै उनीहरूले आ–आफूले पाएका मन्त्रालयको जिम्मेवारी सम्हालेका हुन् । प्रधानमन्त्री केपी शर्मा ओलीले २२ सदस्यीय मन्त्रिपरिषद्...

प्रधानमन्त्री पुष्पकमल दाहाल प्रचण्ड पदमुक्त

ललितपुर, २८ असार । प्रधानमन्त्री पुष्पकमल दाहाल प्रचण्ड पदमुक्त भएका छन् । आज (शुक्रबार) प्रतिनिधिसभाले विश्वासको मत लिने प्रस्ताव बहुमतले अस्वीकृत गरेसँगै प्रधानमन्त्री प्रचण्ड पदमुक्त भएका हुन् । नेकपा एमालेले प्रचण्डलाई दिएको समर्थन फिर्ता लिएपछि...

ब्रविमले ल्याए सिसेक्पा तङनाम (भिडियाे सहित)

दमक, २८ असार । मुन्धुमी गायक ब्रविम सेर्माले आफ्नाे आवाजमा मुन्धुम साम्लो ‘सिसेक्पा तङनाम’ सार्वजनिक गरेका छन् । गितकार नेम खापुङको शव्द तथा लय संकलनमा मुन्धुम साम्लो ‘सिसेक्पा तङनाम’ को भिडियो आफ्नै युट्युव च्यानलबाट सार्वजनिक...

यूकेमा राष्ट्रिय पहिचान परिषद गठन

ललितपुर, २७ असार । बेलाय यूकेमा बसोबास गर्दै लामो समय लिम्बुवान र पहिचानको लागि सहकार्य गर्दै आएका यूकेबासीहरुले राष्ट्रिय पहिचान परिषद प्रवास समिति यूके गठन गरेका छन् । संघीय लोकतान्त्रिक राष्ट्रिय मञ्च र मञ्चको प्रवास...