दमक। किरात लिम्बू थिन्दोलुङ खोयाहाङ्ग उत्थान संघले आफ्नो सातौं स्थापना दिवस मनाएको छ । थिन्दोलुङ खोयाहाङ्ग वंशका जेष्ठ नागरिक समाजसेवी श्री प्रेमबहादुर खोयाहाङ्गको प्रखुम आतिथ्यतामा सातौं स्थापना दिवस मनाइएको हो ।

झापाको दमकमा आयोजना गरिएको उक्त स्थापना दिवस कार्यक्रमलाई प्रमुख अतिथिको हस्तबाहुलीबाट पानसमा दीप प्रज्वलन गरी उद्घाटन गरिएको थियो । कार्यक्रम वर्तमान कोभिड १९ को कारण झापा, मोरङ् र सुनसरीका प्रतिनिधिमूलक थिन्दोलुङ् खोयाहाङ् लिम्बुहरुको उपस्थिति रहेको थियो ।

संस्थाको आर्थिक स्थितिलाई बलियो बनाउने उद्देश्यले स्थापना गरिएको अक्षयकोष कार्यक्रमका सदस्यहरूलाई स्थापना दिवसको अवसरमा प्रमाणपत्र वितरण गरिएको थियो ।

कार्यक्रमको सभाध्यक्षता केन्द्रीय उपाध्यक्ष क्या. टेकेन्द्र खोयाहाङ्गले गर्नुभएको थियो । त्यसैगरी सञ्चालन केन्द्रीय कोषाध्यक्ष कुमार खोयाहाङ्ग र केन्द्रीय महासचिव प्रेमकुमार खोयाहाङ्गले स्वागत मन्तव्य राख्नु भएको थियो ।

उक्त कार्यक्रमलाई केन्द्रीय सल्लाहकार परिषदका सभापति श्री दङ्गधोज खोयाहाङ्गले संघको सातौं स्थापना दिवस कार्यक्रमको भरच्यूअल माध्यमबाट सफलताको शुभकामना दिएका थिए ।